У цэнтры Мінска з'явіцца новы праваслаўны храм

Дзе ён будзе?

У беларускай сталіцы, недалёка ад чыгуначнага вакзала, з'явіцца новы храм.

Будынак будуюць ужо больш за паўгода, заўважыў Realt.

Храм узводзяць на вул. Магілёўскай, побач з перасячэннем з вул. Талстога. Ад чыгуначнага вакзала — каля 1 км, а ад станцый метро «Вакзальная» і «Інстытут культуры» — і таго менш, каля 650 м.

Паводле публічнай кадастравай карты, участак пад будаўніцтва храма аформілі яшчэ ў 2024 годзе.

Будаўніцтва пачалося ў чэрвені 2025-га. Канчатковым тэрмінам пазначаны красавік 2026-га.

Будпляцоўка знаходзіцца побач з шматпавярхоўкамі і прыватнымі дамамі, а на заднім плане бачны бізнэс-цэнтр «Тытул» на вул. Талстога.

Тут таксама праглядаюцца чыгуначны вакзал і «Вароты Мінска».

На сайце прыходу храма ў гонар іконы Божай Маці «Скорапаслушніца» пазначана, што будынак распрацаваны па індывідуальным праекце спецыяльна для зручнасці людзей з інваліднасцю.

У храме будуць чатыры надземныя ўзроўні і адзін падземны. Плануюць усталяваць ліфт. І каміркі для захоўвання асабістых рэчаў.

На ніжнім паверсе будзе размешчана памяшканне прыкладна на 87 «квадратаў» для правядзення духоўных гутаркаў, праглядаў фільмаў, арганізацыі мерапрыемстваў для прыхаджан храма.

Там жа будзе магчымасць сустракаць гасцей святочнай трапезай. Праектам прадугледжана памяшканне для падагрэву ежы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]