Расельгаснагляд не ўпусціў у Расію кароў з Беларусі

Жывёл без дакументаў разгарнулі проста на мяжы.

Пра «спыненне незаконнага перамяшчэння» з Беларусі васьмі галоў буйной рагатай жывёлы паведаміла 18 лютага прэс-служба Паўночна-Заходняга міжрэгіянальнага ўпраўлення Федэральнай службы па ветэрынарным і фітасанітарным наглядзе (Расельгаснагляд).

Паводле звестак ведамства, падчас кантролю ў размешчанай на мяжы з Беларуссю вёсцы Лобок Пскоўскай вобласці інспектарамі «было ўстаноўлена, што каровы перамяшчаліся без ветэрынарных суправаджальных дакументаў, якія пацвярджаюць іх паходжанне, правядзенне неабходных даследаванняў, вакцынацый і апрацовак; таксама на жывёлах адсутнічалі сродкі ідэнтыфікацыі (біркі, вышчыпы, кляймы)».

Акрамя таго, гаворыцца ў рэлізе, сельскагаспадарчыя жывёлы «перавозіліся ў неабсталяваным для іх транспарціроўкі аўтатранспартным сродку, а іх маршрут не быў узгоднены з Расельгаснаглядам».

«Перамяшчэнне сельгасжывёл па мытнай тэрыторыі Еўразійскага эканамічнага саюза забаронена, аформлены акт аб вяртанні. Жывёлы вернутыя на тэрыторыю Рэспублікі Беларусь», — паведаміў Расельгаснагляд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]