Лукашэнка: Мяне назвалі фраерам, які адступіў

Першы віцэ-прэм'ер Снапкоў перайшоў на шэпт, каб супакоіць дыктатара.

Аляксандр Лукашэнка, які 3 лютага загадаў чыноўнікам эканоміць на вулічным асвятленні, застаўся незадаволены тым, як яго даручэнне выканалі ў Мінску.

Сваім меркаваннем па гэтым пытанні ён чарговы раз падзяліўся 17 лютага, прымаючы справаздачу ўрада за 2025 год.

Дыктатар падкрэсліў, што ягонае даручэнне пачалі выконваць занадта рупліва.

— Сказаў: «разбярыцеся», дык яны ўзялі ды выключылі святло позна ўвечары і пагрузілі Мінск у цемру. Навошта? Я ж ад вас гэтага не патрабаваў, — абурыўся Лукашэнка.

— Вы заўсёды кажаце рабіць акуратна, прыгожа, — адказаў першы віцэ-прэм'ер Мікалай Снапкоў.

— Дык дзе ж прыгожа?! І ўсё на «прэзідэнта» абрынулася. Я ўжо дадому прыходжу, малец (судзячы з кантэксту, гаворка пра малодшага сына Аляксандра Лукашэнкі Мікалая. — Заўв. рэд.) уключае гэта, — паведаміў Лукашэнка, не ўдакладніўшы, што «гэта» яму ўключыў «малец».

Паводле слоў дыктатара, далей у яго з «малцом» адбыўся наступны дыялог:

— Ну навошта табе гэта было трэба? — спытаў «малец».

— Што трэба было? — удакладніў Лукашэнка.

— Ну вось Украіна, вось Беларусь. Дзве дзіркі ў свеце. Цемра, — папракнуў дыктатара неназваны суразмоўца.

Аляксандр Лукашэнка заявіў, што пасля таго як улады адкатылі эксперымент з асвятленнем, яго хтосьці ў сетцы назваў «фраерам», які «адступіў».

— Я ні наступаў, ні адступаў. Дык да якіх часоў гэта будзе працягвацца?!

— Мы стараемся, таварыш… — прашаптаў Снапкоў.

— А ты не старайся! Дай вынік.

— Мы зробім, — запэўніў Снапкоў.

Пасля гэтага дыктатар адзначыў, што можа працаваць з любым чалавекам, які хоча працаваць. А ў дачыненні да тых, хто такога жадання не мае, будуць прымацца «жорсткія рашэнні».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]