Мінскі школьнік спалохаўся, што ў Беларусь прыляцяць дроны, і аддаў кур'еру $30 000

Наяўныя грошы кур'ер схаваў у падштаніках.

У Мінску школьнік аддаў кур'еру 30 000 долараў пасля пагроз «вайсковых дронаў і турмы для мамы». Кур'ерам аказаўся 18-гадовы замежнік, які забраў грошы па заданні махляроў і схаваў іх у падштаніках, паведамілі ў міліцыі, піша «Зеркало».

У міліцыю звярнулася сям'я 12-гадовага школьніка. Дзіцяці ў месэнджары напісаў незнаёмы і прапанаваў пасябраваць, а для сустрэчы папрасіў прыслаць геалакацыю. Пасля гэтага на сувязь выйшаў псеўдаміліцыянт, які напалохаў дзіця, што па яго каардынатах прыляцяць вайсковыя дроны, а маму пасадзяць у турму.

Каб выратаваць сябе і сям'ю, у дзіцяці запатрабавалі ўзяць усе грошы з ягонай капілкі і знайсці бацькоўскія зберажэнні. Скласці іх у сумку і пакінуць пад мостам на Нямізе. А акрамя таго, здымаць усе дзеянні на відэа.

Высветлілася, што грошы агульнай сумай каля 30 тысяч долараў забраў 18-гадовы замежнік, які прыляцеў у Беларусь спецыяльна па заданні махляроў. Малады чалавек растлумачыў, што знайшоў такую падпрацоўку ў інтэрнэце — яму абяцалі 2% атрыманай сумы.

Кур'ер таксама на камеру пералічыў грошы і схаваў іх у споднюю бялізну, пасля чаго цягніком накіраваўся ў суседнюю краіну, але быў затрыманы.

Усю суму забралі і вернуць сям'і падманутага дзіцяці. Узбудзілі крымінальную справу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]