Зяленскі: РФ хоча балюча ўдарыць па Украіне ў апошнія халодныя дні зімы

У разведцы паведамлялі пра падрыхтоўку РФ да далейшых масіраваных удараў па энергетыцы.

Прэзідэнт Украіны Уладзімір Зяленскі заявіў, што расіяне хочуць нанесці новы масіраваны ўдар па Украіне ў апошнія дні зімовага холаду. У разведцы паведамлялі пра падрыхтоўку РФ да далейшых масіраваных удараў па энергетыцы.

«Расія не можа ўстаяць перад спакусай у апошнія дні зімовага холаду і хоча балюча ўдарыць па ўкраінцах. Чым больш гэтага зла ад Расіі, тым усім будзе складаней пра нешта дамовіцца з імі. Партнёры павінны гэта ўсведамляць», — сказаў Зяленскі падчас вячэрняга відэазвароту ў панядзелак, 16 лютага.

Прэзідэнт падкрэсліў, што расійскія атакі пастаянна «эвалюцыянуюць», а любая несвоечасовая пастаўка ракет для супрацьпаветранай абароны можа павялічыць маштабы шкоды ад абстрэлаў. Таму ўсе дамоўленасці з партнёрамі аб дапамозе павінны быць рэалізаваныя аператыўна.

«Расіяне разумеюць, што менавіта яны спрабуюць знішчыць, калі б'юць па Украіне. Украіна можа стаць сапраўды важным элементам еўрапейскай і еўраатлантычнай бяспекі. Важна, каб партнёры нашай дзяржавы ўсведамлялі ўкраінскія магчымасці гэтак жа, як і наш агульны вораг», — адзначыў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]