Памёр акцёр з «Хроснага бацькі», лаўрэат прэміі «Оскар» Роберт Дзюваль

Яму было 95 гадоў.

На 96-м годзе жыцця памёр амерыканскі акцёр, лаўрэат прэміі «Оскар» Роберт Дзюваль, паведамляе CNN.

Акцёр памёр у сваім доме ў Мідлбергу, штат Вірджынія, у нядзелю, 15 лютага.

Дзюваль найбольш вядомы ролямі ў фільмах «Хросны бацька» і «Хросны бацька 2», дзе ён згуляў кансільеры і адваката сям'і Карлеоне Тома Гагена, а таксама «Апакаліпсіс сёння», дзе акцёр выканаў ролю падпалкоўніка Кілгора, які прамовіў знакамітую фразу «я люблю пах напалму па раніцах».

Дзюваль нарадзіўся ў Сан-Дыега, штат Каліфорнія, вучыўся ў каледжы Principia ў штаце Ілінойс, служыў у арміі падчас Карэйскай вайны. Пасля ён пераехаў у Нью-Ёрк, дзе вывучаў акцёрскае майстэрства ў ўплывовага педагога Сэнфарда Мэйснера. Тады ён здымаў кватэру разам з Дастынам Хофманам і сябраваў з Джынам Хэкманам. Ён згуляў у некалькіх спектаклях, перш чым атрымаў ролю Артура «Бу» Рэдлі ў экранізацыі рамана Харпер Лі «Забіць перасмешніка» ў 1962 годзе. Пазней ён назваў аднаго са сваіх сабак «Бу».

У 1984 годзе Роберт Дзюваль атрымаў «Оскар» за лепшую мужчынскую ролю за фільм «Пяшчотнае міласэрдзе».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]