Харватыя адмовіла Венгрыі і Славакіі ў транзіце расійскай нафты

Заграб заклікаў Будапешт і Браціславу спыніць нажыву на вайне.

Харватыя адмовілася транспартаваць расійскую нафту для Венгрыі і Славакіі, заявіўшы, што купля сыравіны ў РФ — гэта падтрымка вайны супраць Украіны.

Надзеі Венгрыі і Славакіі знайсці абходны шлях для закупу таннай нафты ў РФ праваліліся. Харватыя адмовілася дапамагаць ім у транспартаванні сыравіны з РФ.

Кропку ў гэтым пытанні паставіў міністр эканомікі Харватыі Антэ Шушняр. Ён апублікаваў афіцыйную заяву з гэтай нагоды ў X.

Улады Харватыі адхілілі просьбу Венгрыі і Славакіі забяспечыць транзіт расійскай нафты па нафтаправодзе «Adria». З адпаведным зваротам 15 лютага выступіў кіраўнік МЗС Венгрыі Петер Сійярто пасля перамоваў з міністрам эканомікі Славакіі Дэнісай Саковай. Паводле яго слоў, Будапешт і Браціслава накіравалі ў Заграб сумесны ліст, у якім падкрэслілі, што «бяспека энергазабеспячэння краіны ніколі не павінна быць ідэалагічным пытаннем».

Шушняр публічна адказаў на гэту заяву, даўшы зразумець, што Заграб не мае намеру спрыяць захаванню залежнасці ад расійскай нафты.

«Ніхто не павінен застацца без паліва… Але Адрыятычны трубаправод гатовы, таму ніякіх тэхнічных апраўданняў для прывязкі да расійскай нафты для якой-небудзь краіны ЕС больш няма. Барэль нафты, набыты ў Расіі, можа падацца некаторым краінам таннейшым, але ён дапамагае фінансаваць вайну і напады на ўкраінскі народ. Пара спыніць гэтую ваенную нажыву», - напісаў Шушняр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]