Еўрапарламент адключыў ШІ на планшэтах дэпутатаў

З-за пагрозы ўцечкі.

Еўрапейскі парламент адключыў інструменты штучнага інтэлекту (ШІ) на планшэтах, выдадзеных дэпутатам, з меркаванняў бяспекі, паведамляе Euractiv са спасылкай на электронны ліст ведамства.

Паводле звестак выдання, пад блакіроўку трапілі «убудаваныя функцыі ШІ» — інструменты для напісання тэкстаў і віртуальныя асістэнты. У лісце адзначаецца, што спецыялісты па кібербяспецы і абароне персанальных даных правялі праверку, і вынікі паказалі, што «некаторыя з гэтых функцый выкарыстоўваюць воблачныя сэрвісы для выканання задач» замест лакальных, што можа прывесці да ўцечкі даных.

«Пакуль сітуацыя цалкам не праясніцца, лічыцца больш бяспечным пакінуць падобныя функцыі адключанымі», — гаворыцца ў паведамленні.

Генеральны дырэктар па інфармацыі парламента заклікаў дэпутатаў адключыць непатрэбныя функцыі штучнага інтэлекту на сваіх прыладах, а таксама абмежаваць доступ нейрасеткі да працоўных лістоў і дакументаў.

У сакавіку 2024 года Еўрапарламент ухваліў закон, які рэгулюе прымяненне штучнага інтэлекту. Новыя правілы абмяжоўваюць дзейнасць пэўных прыкладанняў ШІ, якія нясуць пагрозу грамадзянам. Таксама закон забараняе выкарыстанне сістэм біяметрычнай ідэнтыфікацыі праваахоўнымі органамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]