Ці можа ахова крамы патрабаваць паказаць сумку

Тлумачэнне беларускага юрыста.

Бываюць выпадкі, калі ахова крамы просіць чалавека паказаць змесціва ягонай сумкі або кішэняў. Наколькі гэта законна, распавёў адвакат юрыдычнай кансультацыі Чыгуначнага раёна Гомеля Яўген Курнасенкаў у Telegram-канале Галоўнага ўпраўлення юстыцыі Гомельскага аблвыканкама.

«Згодна з Законам «Аб ахоўнай дзейнасці» супрацоўнікі неваенізаванай аховы не маюць права праводзіць дагляд грамадзян і іх рэчаў», — падкрэсліў юрыст.

Але звярнуцца да вас з просьбай паказаць змесціва пакета яны маюць права. Ваша права — пагадзіцца або адмовіцца.

Аднак варта ўлічваць, што пры падазрэнні ў здзяйсненні крадзяжу тавару супрацоўнік неваенізаванай аховы крамы можа выклікаць міліцыю і затрымаць вас.

Колькі часу захоўваюцца рэчы, забытыя ў камеры захоўвання

З моманту, калі наведвальнік пры ўваходзе ў краму кладзе свае рэчы ў ячэйку, паміж ім і крамай пачынае дзейнічаць дагавор захоўвання на безадплатнай аснове.

Згодна з ім гандлёвы аб’ект абавязваецца захоўваць змесціва ячэйкі, а потым вярнуць яго пакупніку. Аднак з тэрмінам такога захоўвання ёсць нюансы, распавёў адвакат Аляксандр Сенько.

Яго павінна ўстанаўліваць крама. Аднак далёка не кожная гэта робіць, а калі і робіць, дык не даводзіць гэтую інфармацыю да пакупнікоў.

У такіх выпадках Грамадзянскі кодэкс Рэспублікі Беларусь прадугледжвае, што тэрмін захоўвання можа вызначацца, зыходзячы з умоў дагавора захоўвання, або момантам запатрабавання рэчаў іх уладальнікам.

Грамадзянскае заканадаўства больш гнуткае і грунтуецца на прынцыпе добрасумленнасці і разумнасці ўдзельнікаў грамадзянскіх праваадносін.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]