Зяленскі распавёў пра велізарныя страты расіян

Толькі ў снежні ўкраінскія войскі знішчылі 35 тысяч акупантаў.

Пуцін не звяртае ўвагі на страты на фронце. Пра гэта заявіў прэзідэнт Украіны Уладзімір Зяленскі 14 лютага на Мюнхенскай канферэнцыі па бяспецы, яго выступленне трансляваў Офіс прэзідэнта, піша «Гордон».

Ён паведаміў, што толькі ў снежні ўкраінскія войскі знішчылі 35 тыс. акупантаў. У студзені расійскіх наступаў было менш, і ў выніку страты Расіі склалі каля 30 тыс. забітых і цяжкапараненых.

«Ёсць нават відавочная цана, якую Расія плаціць за кожны кіламетр акупаванай украінскай зямлі: на Данецкім фронце — гэта адзін з самых жорсткіх участкаў — цана за адзін кіламетр цяпер складае 156 салдат. Пуціна гэта цяпер не турбуе. Але ёсць узровень, на якім ён пачне турбавацца. Я ўпэўнены», — заявіў Зяленскі.

Ён дадаў, што кожны месяц Расія мабілізуе каля 40 тыс. чалавек, часам 42–43 тыс. Аднак не ўсе з іх дабіраюцца да лініі фронту. Таму ў цэлым колькасць расійскага кантынгенту ва Украіне сёлета не расце.

«Для нашай арміі місія ясная — знішчаць як мага больш расійскіх акупантаў, бо яны і ёсць акупанты. Мэта канкрэтная: не менш як 50 тыс. у месяц. Нават для Расіі гэта было б сур'ёзна. Упэўнены. І гэта паўплывала б на рашэнні Пуціна. Бо гаворка ідзе ў асноўным пра войскі на перадавой — тых, хто кіруе штурмамі і атакамі», — сказаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]