Марка Рубіо: ЗША і Еўропа — адзінае цэлае

Адзіны Захад перамагаў у многіх канфліктах.

Дзяржсакратар ЗША Марка Рубіо, выступаючы з прамовай на Мюнхенскай канферэнцыі па бяспецы, падкрэсліў цесныя сувязі паміж Злучанымі Штатамі і Еўропай, паведамляе «Нямецкая хваля».

Ён, у прыватнасці, нагадаў, як ЗША і Еўропа разам перамагалі ў многіх канфліктах XX стагоддзя. «Эйфарыя пасля гэтага трыумфу, — сказаў дзяржсакратар ЗША, — прывяла да «небяспечнай памылкі», нібыта ўсе нацыі стануць ліберальнымі дэмакратыямі, што нацыянальны суверэнітэт больш не мае значэння, а важныя сувязі, заснаваныя выключна на гандлі, і што «мы будзем жыць у свеце без межаў». «Гэта была дурная ідэя, і яна дорага нам абышлася», — заявіў ён.

Рубіо лічыць, што ЗША і Еўропа памыліліся, калі дапусцілі маштабную міграцыю, перанеслі вытворчасці за мяжу, а кантроль над крытычнымі пастаўкамі перадалі «супернікам і ворагам». Яшчэ адной памылкай ён назваў энергетычную палітыку, дыктаваную барацьбой са зменамі клімату. ЗША, сказаў ён, маюць намер выправіць гэтыя памылкі — і хацелі б рабіць гэта разам з Еўропай. Злучаныя Штаты «не імкнуцца да разрыву адносінаў», — падкрэсліў дзяржсакратар, — яны хочуць «адрадзіць даўнюю дружбу».

Мы не хочам, каб нашы саюзнікі былі слабыя, бо гэта робіць слабымі і нас. Нам патрэбныя саюзнікі, якія могуць абараніць сябе, каб ніхто не паддаваўся спакусе выпрабаваць нашу калектыўную сілу. Мы хочам, каб Еўропа была моцнай. Мы верым, што Еўропа павінна выжыць.

Рубіо прызнаў, што амерыканцы могуць здавацца «крыху прамалінейнымі і настойлівымі ў сваіх парадах»: «Прычына, мае сябры, у тым, што нам гэта вельмі неабыякава».

Прамову Рубіо на Мюнхенскай канферэнцыі, адзначаюць CNN і The Guardian, сустрэлі значна больш добразычліва, чым леташняе выступленне віцэ-прэзідэнта ЗША Джэя Дзі Вэнса. У прыватнасці, дзяржсакратару неаднаразова апладзіравалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]