«Хто ў нас прыдумвае такія розныя правілы?»
4- 14.02.2026, 21:35
- 1,458
У TikTok спрачаюцца з-за школьнага падручніка па матэматыцы.
Аляксандр паказаў у TikTok падручнік па матэматыцы для чацвёртага класа за 2022 год. У ім — прыклад з тлумачэннем, як памнажаць чацвёразначны лік на адназначны. Мужчына звярнуў увагу на тое, як запісаныя лічбы ў прыкладзе, і абурыўся тым, што гэта блытае дзяцей, піша «Зеркало».
— Скажыце, хто ў нас у Беларусі прыдумвае вось такія розныя правілы? Каму мы плацім? Вось правілы множання і дзялення. Чацвёрты клас, — гаворыць мужчына.
У прыкладзе трэба памножыць 2400 на чатыры. Пры гэтым чацвёрка запісаная не пад апошнім нулём, а пад лічбай чатыры. У тлумачэнні аўтар прапануе памножыць 24 на чатыры, што роўна 96, але памятаць, што яшчэ ёсць два нулі. І ўжо потым дапісаць іх. Аляксандр лічыць, што гэта блытае дзяцей.
— Лічба павінна стаяць тут, — паказвае ён на апошні нуль ліку 2400. — Нуль тут, не нуль — лічба павінна стаяць тут. Спачатку множацца адзінкі, потым дзясяткі, затым сотні, тысячы, дзесяткі тысяч, сотні тысяч, мільёны. І ў матэматыцы ёсць правіла: усё, што памнажаецца на нуль, роўнае нулю.
Аднак настаўніца з ім не пагадзілася і ў класнай рабоце дзіцяці выпраўіла запіс на такі, як у падручніку. Хаця вынік множання застаўся правільным.
Відэа набрала больш за 200 тысяч праглядаў. Пад ім — 743 каментары. Меркаванні ў каментарыях разышліся:
«Я выдатнік, матэматыка (алгебра і геаметрыя) былі любімымі прадметамі, аўтар відэа мае рацыю — такога не было».
«Мне 36, школу скончыла ў 2007 годзе, было так, як у падручніку. Па матэматыцы была выдатніцай, пасля школы скончыла палітэх».
«У падручніку ўсё правільна напісана. Пры множанні, гэтак жа як і пры дзяленні, нулі пераносяцца ў адказ».
«Мае дзеці ўжо адучыліся. І ўсё рабілі так, як напісана. Усё выдатна, не перажывайце».
«Мая выдатніца прынесла двойку за кантрольную за тое, што ў прыкладах напісала лічбы пад нулямі? Перакрэслілі ўсё — і двойка».
«Усё, што памнажаецца на 0, роўна 0, таму ён проста сносіцца. І 40 гадоў таму гэтаму вучылі. А калі трэба памножыць на двухзначны лік — дык колькі ж нулёў трэба пісаць!»
«Я здзіўляюся каментарыям. Як потым дзіця будзе памнажаць 2401 на чатыры, калі яго ад пачатку няправільна вучаць ставіць лічбы?»
«2401 не мае 0 напрыканцы. Будзе ставіць пад адзінкай. Усё лагічна».
«Мяне таксама вучылі выраўноўваць лічбы па правым краі, як сцвярджае аўтар. А вынік, дзе б ні пісаў лічбы, — будзе адзін і той самы».
«Я скончыла школу больш за 20 гадоў таму, і тады яшчэ было правіла: пад нулямі лічбу не ставяць, і яны проста сносяцца ўніз. Я вось бачу ў гэтым логіку».
«Гэта і візуальна зручней, і ніколі не памылішся. Сын ужо ў 6-м класе, але ў мяне падгарала ад сучасных правілаў афармлення і іншага. Асабліва ў шоку ад таго, што ў матэматыцы не трэба запісваць умову. Правільна запісаная ўмова — заклад хуткага рашэння задачы. Эх, шкада, што ўсе гэтыя словы ў пустату».
«А калі будзеш памнажаць у слупок 530 на 300 — прытрымлівайся логікі аўтара».
«Наступны прыклад: 2400 на 400. Спадзяюся, дзіця будзе ўважлівей слухаць тлумачэнні настаўніка, а то ўсе патонуць у нулях».
«Я выдатна вучылася ў школе і дакладна памятаю, што трэба пісаць пад апошняй лічбай. Мяне таксама раздражняе навацыя ў падручніках. У маіх старэйшых (у 11-м і 9-м класах) дзяцей — па-старому, у малодшай — ужо па-новаму».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
