Жыхары Белгарада застануцца без ацяплення і гарачай вады да канца ацяпляльнага сезона

У расійскім горадзе ідзе эвакуацыя.

Жыхары расійскага Белгарада засталіся без ацяплення і гарачай вады як мінімум да канца ацяпляльнага сезона. Да праблем у камунальнай сферы прывялі ўдары па энергасістэме.

Губернатар Белгародскай вобласці РФ Вячаслаў Гладкоў паскардзіўся ў Telegram, што аб'екты энергагаспадаркі атрымалі сур'ёзныя пашкоджанні.

«Мы разумеем, што тыя дамы горада Белгарада, якія падключаныя да цэнтралізаванага цеплазабеспячэння, да канца ацяпляльнага сезона не змогуць атрымліваць гарачую ваду», — заявіў Гладкоў.

Паводле яго слоў, пашкоджанне пасля абстрэлаў «вельмі вялікае і вельмі сур'ёзнае».

Пры гэтым ён адзначыў, што падача вады, адвод каналізацыі, падача газу, цяпла і электрычнасці на дадзены момант ажыццяўляюцца з дапамогай як пастаянных, так і рэзервовых крыніц энергазабеспячэння.

З-за складанай сітуацыі з горада эвакуююць дзяцей і адзінокіх пенсіянераў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]