Міністр замежных спраў Літвы ўпэўнены, што санкцыі супраць рэжыму Лукашэнкі будуць падоўжаныя

Для гэтага ёсць дастаткова падстаў.

Аптымізм адносна таго, што санкцыі ў дачыненні да рэжыму Аляксандра Лукашэнкі неўзабаве будуць падоўжаныя яшчэ на адзін год, выказаў міністр замежных спраў Літвы Кястуціс Будрыс 14 лютага на прысвечанай Беларусі панэлі ў межах Мюнхенскай канферэнцыі па бяспецы, піша «Позірк».

«І гэта правільнае рашэнне, таму што перадусім трэба памятаць прычыны, паводле якіх яны былі ўведзеныя, — сказаў кіраўнік літоўскай дыпламатыі. — Гэта парушэнні правоў чалавека ў 2020 годзе; [сітуацыя, калі] у 2021-м быў захоплены самалёт, што ляцеў у Вільнюс; затым садзейнічанне Расіі [у вайне супраць Украіны] у 2022-м. А цяпер мы прапануем дадаткова (і гэта ўзгоднена) пашырыць санкцыйны рэжым супраць Беларусі з улікам гібрыднай актыўнасці ў дачыненні да ЕС».

«У нас дастаткова падстаў захоўваць санкцыі. Я не магу ўявіць, як можна іх пераглядаць без таго, каб Лукашэнка кардынальна змяніў свае паводзіны і быў прыцягнуты да адказнасці. Таму мой адказ — не. На наступным тыдні мы, так бы мовіць, адкладзём гэтую дыскусію яшчэ на год, таму што санкцыі проста будуць падоўжаныя», — упэўнены Будрыс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]