У Мінску трэці дзень запар масава іскраць і спыняюцца тралейбусы

Толькі за раніцу 14 лютага кантактная сетка была пашкоджана шэсць разоў.

У Мінску трэці дзень запар назіраюцца збоі ў працы тралейбусаў, піша выданне «Позірк». Толькі за раніцу 14 лютага тэлеграм-канал «Мінсктранса» шэсць разоў паведамляў пра пашкоджанне кантактнай сеткі. У пятніцу, 13 лютага, такіх выпадкаў было 27, а ў чацвер — 26.

Пашкоджанне кантактнай сеткі часта выглядае як яркая ўспышка. Мінчукі масава здымаюць іх на відэа і выкладваюць у сацыяльныя сеткі.

«Мінсктранс» ужо тлумачыў прычыну. Паводле слоў намесніка кіраўніка ведамства Рамана Прановіча, «адбываецца прабой ізаляцыі на кантактнай сетцы, з-за чаго спрацоўвае абарона і ў кантактнай сетцы адключаецца напружанне».

Калі падрабязней, то вінаватая, напрыклад, соль, якой пасыпаюць дарогі, — а канкрэтна аседанне пароў дарожнага рэагента пры раставанні снегу і лёду.

Прэс-сакратарка «Мінсктранса» Алена Грамыка адзначала, што спыненні руху тралейбусаў адбываюцца праз «павышэнне тэмпературы навакольнага паветра, выпадзенне ападкаў і аседанне салянага туману на кантактную сетку».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]