Навукоўцы: Людзі, якія назапашваюць посуд у ракавіне, маюць дзевяць агульных рыс характару

І гэта зусім не лянота.

Калі вы калі-небудзь заходзілі на чужую кухню і бачылі купу бруднага посуду ў ракавіне, верагодна, першай думкай было, што гэты чалавек лянівы або неарганізаваны. Аднак гэты непамыты посуд насамрэч можа распавядаць нам нешта зусім іншае пра тое, хто гэты чалавек, піша VegOut.

У артыкуле згадваецца даследаванне часопіса Psychology Today, якое паказала, што наша стаўленне да хатніх спраў часта адлюстроўвае больш глыбокія псіхалагічныя заканамернасці.

Таму аўтар раіць, перш чым сварыць сябе за растучую купу посуду або судзіць кагосьці іншага за яго посуд, варта разабрацца, што насамрэч адбываецца пад паверхняй.

Псіхалогія сцвярджае, што такія людзі маюць 9 агульных рыс характару:

1. Яны вельмі засяроджаныя на больш важных прыярытэтах

Вы ведаеце такіх людзей, якія могуць гадзінамі працаваць над любімым праектам, зусім не звяртаючы ўвагі на ўсё, што адбываецца вакол іх? Менавіта такіх людзей мы часта бачым з купай назапашанага посуду.

Гэтыя людзі не лянівыя; яны дзейнічаюць паводле прынцыпу, які псіхолагі называюць выбарачнай увагай. Іх розум размяркоўвае рэсурсы на тое, што яны лічаць самым важным у дадзены момант.

2. Яны мацней адчуваюць стомленасць ад прыняцця рашэнняў

Кожны выбар, які мы робім цягам дня, знясільвае нашу псіхічную энергію. Для некаторых людзей, калі яны вяртаюцца дадому, нават простае рашэнне «памыць посуд цяпер ці пазней» здаецца занадта складаным.

Паводле звестак Амерыканскай псіхалагічнай асацыяцыі, стомленасць ад прыняцця рашэнняў — рэальная з’ява, якая ўплывае на нашу здольнасць рабіць нават простыя выбары.

Гэта тлумачыцца тым, што гэтыя людзі часта выдатна спраўляюцца з прыняццем важных рашэнняў цягам дня, але адчуваюць поўнае знясіленне, калі справа даходзіць да дробных хатніх спраў.

3. Яны — крэатыўныя мысляры, якія працвітаюць у кантраляваным хаосе

Людзі, якія дазваляюць посуду назапашвацца, часта маюць такі склад розуму, які лепш працуе пры пэўным узроўні стымуляцыі асяроддзя. Невялікі бязлад іх не непакоіць, бо іх розум заняты ўсталяваннем сувязяў і генераваннем ідэй.

4. Яны змагаюцца з «часавай слепатой»

Часавая слепата — гэта калі чалавеку цяжка адчуваць плынь часу. Ён шчыра думае: «Я памыю посуд за пяць хвілін», а потым раптам аказваецца, што прайшло тры гадзіны.

У артыкуле адзначаецца, што гэтая рыса ўласцівая людзям з сіндромам дэфіцыту ўвагі і гіперактыўнасці (СДВГ), але можа ўплываць на любога, хто глыбока пагружаецца ў працу.

Гэтыя людзі не спрабуюць марудзіць. Проста іх унутраны гадзіннік працуе інакш. Яны могуць патраціць на праект некалькі хвілін, а потым выявіць, што прайшло некалькі гадзін, і цяпер не засталося часу, каб памыць посуд перад сном.

5. Яны пазбаўляюцца ад перфекцыянізму

Часам людзі дазваляюць посуду назапашвацца, бо вучацца адмаўляцца ад перфекцыянізму. Калі яны не могуць памыць посуд «правільна» (што б гэта ні значыла для іх, — заўв. рэд.), яны аддаюць перавагу ўвогуле не мыць яго, пакуль не будуць мець дастаткова часу і энергіі.

6. Яны маюць розную адчувальнасць да сэнсарных раздражняльнікаў

Даследаванні апрацоўкі сэнсарнай інфармацыі паказваюць, што людзі маюць вельмі розны ўзровень адчувальнасці да візуальнага бязладдзя. Тое, што раздражняе аднаго чалавека, можа быць абсалютна незаўважным для іншага.

Гэта тлумачыцца тым, што людзі, якія пакідаюць посуд непамытым, часта маюць больш высокую адчувальнасць да візуальных раздражняльнікаў, то бок выгляд бруднага посуду проста не выклікае ў іх такой жа стрэсавай рэакцыі, як у іншых.

7. Яны — прыхільнікі зберажэння ўласнай энергіі

Выданне адзначае, што некаторыя людзі інстынктыўна ведаюць, як зберагаць сваю энергію для самых важных спраў. Яны навучыліся (свядома ці не — заўв. рэд.), што траціць энергію на мыццё посуду, калі яны знясіленыя, азначае мець менш сіл для важных размоў, творчай працы або клопату пра сябе.

8. Яны адкідаюць культуру прадуктыўнасці

Людзі, якія дазваляюць посуду назапашвацца, магчыма, актыўна супраціўляюцца таксічнай культуры прадуктыўнасці, якая сцвярджае, што мы заўсёды павінны рабіць нешта «карыснае».

Яны ўсведамляюць, што іх каштоўнасць не залежыць ад таго, наколькі чыстая іх кухня.

9. Яны па-рознаму рэагуюць на стрэс

Некаторыя людзі падчас стрэсу прыбіраюцца, а іншыя цалкам адмаўляюцца ад хатніх спраў. Калі яны перагружаныя, іх розум ставіць эмацыйную рэгуляцыю вышэй за знешні парадак.

Посуд становіцца нябачным, бо ўсе іх разумовыя рэсурсы сканцэнтраваныя на кіраванні ўнутраным станам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]