Польшча прыняла закон аб амністыі для добраахвотнікаў, якія ваююць на баку Украіны

Рашэнне прынялі амаль аднагалосна.

Сейм Польшчы прыняў закон, які вызваляе ад адказнасці грамадзян краіны, што ўдзельнічаюць у баявых дзеяннях на баку Украіны, паведамляе Polskie Radio 24.

Рашэнне прынялі амаль аднагалосна: 406 дэпутатаў прагаласавалі за законапраект, 19 устрымаліся. Яшчэ чацвёра выступілі супраць.

Паводле новага закона, амністыя распаўсюджваецца на палякаў, якія ваююць на баку Украіны супраць Расіі, а таксама на тых, хто ўжо быў асуджаны за ўдзел у баявых дзеяннях.

На сёння ў Польшчы ўдзел у замежных узброеных канфліктах без дазволу Міністэрства абароны караецца пазбаўленнем волі на тэрмін ад трох месяцаў да пяці гадоў.

Дакумент прадугледжвае адмену крымінальнай адказнасці для польскіх добраахвотнікаў, якія ваююць за Украіну, а таксама для тых, хто займаўся вербоўкай грамадзян Польшчы або замежнікаў на службу ў Узброеныя сілы Украіны.

Перыяд амністыі пачынаецца з 6 красавіка 2014 года. Дакладнай статыстыкі па колькасці палякаў, якія ўдзельнічалі або працягваюць удзельнічаць у вайне на баку Украіны, пакуль няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]