Сыбіга: Дамоўленасці аб хуткім уступленні ў ЕС рэальныя
- 13.02.2026, 17:39
- 1,278
І гаворка ідзе не толькі пра Украіну.
Украіна вядзе кансультацыі пра тое, як зафіксаваць дату свайго ўступлення ў ЕС, прычым дамоўленасць павінна ўлічваць таксама іншыя дзяржавы-кандыдаты.
Пра гэта міністр замежных спраў Украіны Андрэй Сыбіга заявіў журналістам у Мюнхене, адказваючы на пытанне «Еўрапейскай праўды».
Міністр падкрэсліў, што публічныя патрабаванні Украіны пра фіксацыю ў дакументах даты свайго ўступлення ў ЕС рэалістычныя.
- Усе гэтыя размовы рэалістычныя. Украіна адкрыта выстаўляе тыя запыты, на якія мы разлічваем, – заявіў ён.
Паводле слоў Андрэя Сыбігі, цяпер перамовы пра схему фіксацыі такой даты грунтуюцца на тым, што гаворка ідзе не толькі пра ўступленне Украіны, а пра новую архітэктуру бяспекі:
«Для нас нашае сяброўства ў ЕС — гэта элемент гарантый бяспекі, таму мы цяпер вядзём актыўныя кансультацыі з нашымі еўрапейскімі партнёрамі».
Міністр дадаў, што яго аптымізм, у прыватнасці, грунтуецца на тым, што Украіне і ЕС удалося пераадолець праблему венгерскага вета, распачаўшы працэс «фронтлоўдынгу».
«Гэта добры прыклад таго, як знаходзіць правільныя формулы набліжэння сяброўства Украіны ў ЕС», – заявіў ён.
«Але не варта забываць, што ёсць яшчэ Заходнія Балканы, ёсць яшчэ Малдова. Таму гэта комплекснае пытанне, і мы працуем з нашымі еўрапейскімі партнёрамі», – адзначыў ён.
У прыватнасці, міністр растлумачыў, што пры любой схеме, у тым ліку ў выпадку хуткага ўступлення Украіны, гэты працэс Кіеў не праходзіць у адзіночку. «Вельмі важна разумець, што Украіна катэгарычна супраць дэкаплінгу (падзелу групы Украіна–Малдова ва ўступным працэсе. – ЕП), бо ў нас з Малдовай агульны шлях набыцця сяброўства ў ЕС», – растлумачыў Сыбіга.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
