Генсек НАТА высмеяў тэмпы прасоўвання войскаў РФ ва Украіне
2- 13.02.2026, 14:58
- 1,984
Марк Рутэ адзначыў «шакуючыя страты» расіян.
Еўропа пачала больш актыўна браць на сябе адказнасць за ўласную абарону, але пасля саміту ў Гаазе ўсё змянілася, заявіў генеральны сакратар НАТА Марк Рутэ на сумеснай прэс-канферэнцыі са старшынёй Еўрапейскай камісіі Урсулай фон дэр Ляен, міністрам замежных спраў Германіі Ёганам Вадэфулем і старшынём баварскага ўрада Маркусам Зёдерам на Мюнхенскай канферэнцыі па бяспецы.
Цяпер, запэўнівае ён, саюзнікі дэманструюць яшчэ большую згуртаванасць.
«Мы адчулі відавочнае збліжэнне поглядаў і адзінства. Еўропа сапраўды становіцца мацнейшай і бярэ на сябе яшчэ большую адказнасць за лідарства ў межах НАТА», — падкрэсліў Рутэ.
Ён не абмінуў і вайну Расіі з Украінай, адзначыўшы «шакуючыя страты» РФ:
«Расія церпіць велізарныя страты: 35 тысяч загінулых у снежні і 30 тысяч у студзені. Яны хочуць выглядаць грозным мядзведзем, але насамрэч іх прасоўванне нагадвае рух садовага слімака. Давайце не паддавацца расійскай прапагандзе».
Яго заявы прагучалі пасля сустрэчы міністраў абароны краін НАТА ў Бруселі, дзе, па яго словах, саюзнікі выказалі шырокую падтрымку захаванню і павелічэнню дапамогі Кіеву.
Ён падкрэсліў, што больш цеснае супрацоўніцтва паміж НАТА і Еўрапейскім саюзам узмацніла калектыўныя намаганні, асабліва ў падтрымку Украіны.
«Я думаю, што супрацоўніцтва паміж НАТА і ЕС, верагодна, ніколі не было такім моцным, як сёння», — сказаў ён.
Сёлета канферэнцыя праходзіць з 13 да 15 лютага. Арганізатары чакаюць каля 200 прадстаўнікоў урадаў з каля 120 краін, з іх амаль 60 кіраўнікоў дзяржаў і ўрадаў, 56 міністраў замежных спраў і больш за 30 кіраўнікоў абаронных ведамстваў. Таксама ў сустрэчы возьмуць удзел кіраўнікі больш як 40 міжнародных арганізацый.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
