Украінскія дроны «завойваюць» Еўропу

У Зяленскага назвалі краіну, дзе будзе першы завод.

У Германіі ў найбліжэйшы час пачне працу сумеснае з Украінай прадпрыемства, якое будзе вырабляць беспілотнікі.

Пра гэта паведамляе РБК-Украіна са спасылкай на выступленне дарадцы прэзідэнта Украіны па стратэгічных пытаннях Аляксандра Камышына на адкрыцці Украінскага дома ў Мюнхене.

«Пазней сёння (13 лютага — рэд.) прэзідэнт (Украіны Уладзімір — рэд.) Зяленскі абвесціць пра адкрыццё першага сумеснага прадпрыемства па вытворчасці украінскіх беспілотнікаў у Германіі», — заявіў Камышын.

Ён таксама падкрэсліў, што да канца гэтага года ў Еўропе будзе створана не менш за 10 сумесных прадпрыемстваў па выпуску БПЛА.

«Гэта наш украінскі падыход да выказвання падзякі Еўропе і Германіі за тое, што яны з намі. Мы гатовыя дапамагчы Еўропе зноў стаць моцнай», — дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]