«Расіяне радаваліся, але нядоўга»

Міністэрства абароны Украіны правяло кібераперацыю па пошуку расійскіх Starlink.

Міністэрства абароны Украіны правяло аперацыю і сабрала даныя аб 2420 расійскіх Starlink і аб іх дакладным месцазнаходжанні. Пра гэта ведамства паведаміла ў Threads.

«Расіяне навучыліся абыходзіць блакіроўку Starlink? Яны радаваліся, але нядоўга. Бо насамрэч гэта была наша аперацыя пры ўдзеле 256-й Кіберштурмавай дывізіі. Удалося сабраць даныя аб 2420 варожых тэрміналах і іх дакладных месцах знаходжання. Акрамя таго, расіяне, якія скарысталіся ботам, яшчэ і накідалі данатаў на 5870 долараў, якія накіруюць на закуп дадатковых дронаў», — заявілі ў Міністэрстве абароны Украіны.

Там дадалі, што тэрміналы расійскіх Starlink заблакаваныя, а каардынаты перададзеныя для далейшай апрацоўкі.

Нагадаем, тэрміналы Starlink у расійскіх падраздзяленнях працавалі незаконна, бо ўвозіліся кантрабандай з іншых краін. Наладзіць іх удавалася ў тым ліку таму, што фармальна яны знаходзіліся на тэрыторыі Украіны, хоць і акупаванай.

У студзені новы кіраўнік Міністэрства абароны Украіны Міхаіл Фёдараў звярнуўся ў SpaceX з просьбай адключыць расійскія тэрміналы. Ілон Маск адказаў станоўча, і ў лік адключаных трапілі ўсе прылады, не зарэгістраваныя ва Украіне.

Адразу пасля адключэння УСУ зафіксавалі падзенне баявой актыўнасці расіян.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]