У Расіі суд абавязаў Ісуса Хрыстоса вярнуць ранейшае імя

Ён зноў стане Яўгенам Пятровічам Чэкулаевым.

Абраць рэдкае імя сёння ўжо не здаецца чымсьці незвычайным. Жыхар Казані (Татарстан, РФ) у нейкі момант вырашыў афіцыйна стаць Ісусам Хрыстом — і яму гэта ўдалося. Аднак цяпер суд пастанавіў вярнуць ранейшае імя.

Выданне «Бизнес Online» піша, што прычынай звароту пракурора Ільдара Ісмагілава у суд стала заключэнне Міністэрства юстыцыі. Згодна з дакументам, змена імя паводле рэлігійнага прынцыпу забароненая.

У пракуратуры палічылі, што мужчына такім чынам уводзіць людзей у зман, суадносячы сваё імя з асобай Ісуса Хрыста, і тым самым абражае пачуцці вернікаў.

Такім чынам, Ісус Пятровіч Хрыстос зноў стане Яўгенам Пятровічам Чэкулаевым. Калі менавіта мужчына вырашыўся на змену імя, не ўдакладняецца. Раней ён неаднаразова быў асуджаны за разбой і рабаўніцтва, а ў снежні атрымаў 2,5 года ўмоўна за фіктыўную рэгістрацыю мігрантаў у сваёй кватэры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]