Вучоныя высветлілі, колькі разоў у жыцці людзі закахваюцца

Праверана ідэя «другой палавінкі».

У сучаснай культуры трывала замацавалася ідэя пра існаванне «другой палавінкі» ў кожнага чалавека і пра тое, што сапраўднае каханне здараецца ў жыцці толькі раз. Аднак вучоныя, якія паводле свайго занятку павінны ставіць пад сумнеў усё, вырашылі праверыць, колькі праўды ў рамантычных фільмах і раманах.

Як піша DailyMail, новае даследаванне, апублікаванае ў часопісе Interpersona, паказвае, што ў рэальным свеце адналюбы — хутчэй выключэнне, чым правіла.

У межах даследавання каманда апытала больш за 10 000 рэспандэнтаў. Вынікі аказаліся наступнымі:

14% заяўлялі, што ўвогуле ніколі не былі закаханыя;

28% перажылі прыстрастнае каханне толькі адзін раз,

30% прызналіся, што былі закаханыя двойчы;

17% кахалі тройчы;

11% былі закаханыя чатыры або больш разоў.

Пры гэтым вучоныя канстатавалі цалкам лагічную ўзаемасувязь паміж узростам рэспандэнта і колькасцю раманаў, пра якія ён паведаміў: чым старэй чалавек, тым больш у яго было эпізодаў прыстрастнай закаханасці.

«Той факт, што большасць удзельнікаў перажывалі прыстрастнае каханне ў сярэднім двойчы, сведчыць пра тое, што прыстрастнае каханне — з’ява распаўсюджаная, то-бок большасць людзей перажываюць яго прынамсі адзін раз, але на індывідуальным узроўні [толькі адно каханне на ўсё жыццё] здараецца нячаста», — кажуць даследчыкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]