Украіна атрымае першую партыю гіпергукавых ракет
- 12.02.2026, 8:15
- 7,214
Аналага нідзе няма.
Вялікабрытанія прасоўвае новую гіпергукавую сістэму Nightfall, якая прызначаная для паставак Украіне і адначасова стане базай для перспектыўных праграм далёкабійнага ўдару брытанскіх узброеных сіл. Распрацоўка ўжо прайшла першыя выпрабаванні і прыцягнула буйныя інвестыцыі.
Пра гэта паведамляе The Times.
Брытанская кампанія Hypersonica працуе над ракетамі, здольнымі манеўраваць на хуткасці звыш пяці Махаў.
Паводле выдання, на касмадроме Андойя ў Нарвегіі прайшлі першыя выпрабаванні навігацыйных сістэм, створаных усяго за дзевяць месяцаў.
Падчас выпрабаванняў ракета дасягнула хуткасці больш за 7400 км/г, што адпавядае 6 Махам.
У ўрадзе пацвердзілі, што сістэма Nightfall будзе перададзена Украіне і «таксама паслужыць асновай для будучых праектаў брытанскіх узброеных сіл па нанесенні ўдараў на вялікія адлегласці». Падпісанне кантрактаў чакаецца ў сакавіку.
Стаўка на глыбокі ўдар
«Мы імкнёмся забяспечыць Еўропу магчымасцю наносіць глыбокія і высокадакладныя ўдары па неабходным кошце і ў патрэбныя тэрміны, і менавіта гэта дазваляюць нам зрабіць гэтыя інвестыцыі», — сказаў Філіп Керт, сузаснавальнік і генеральны дырэктар Hypersonica.
Паводле яго слоў, разгортванне ракет плануецца да канца дзесяцігоддзя. Вялікабрытанія і Германія раней абвясцілі пра намер стварыць сістэму з дальнасцю звыш 2000 км у межах пагаднення Trinity House.
«У Еўропе прызнана, што менавіта магчымасць «глыбокага ўдару» дазволіць нам стварыць неабходныя сродкі стрымлівання і абароны... Нам патрэбны новы падыход да распрацоўкі тэхналогій для гэтых сістэм», — падкрэсліў ён.
Кампанія ўваходзіць у лік 90 арганізацый, адабраных для ўдзелу ў дзяржаўнай праграме па гіпергукавых распрацоўках коштам 1 млрд фунтаў. Hypersonica плануе пашыраць вытворчасць у Вялікабрытаніі і Усходняй Еўропе, арыентуючыся на патрабаванні замоўцы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
