Гомельскі настаўнік сабраў незвычайныя санкі сваімі рукамі

Самаробная канструкцыя стала хітом сацсетак.

Крыху больш за 40 метраў паліпропіленавых труб, столькі ж муфт і перахаднікоў, кавалак фанеры і старыя лыжы. У Гомельскім раёне бацька двайнят праявіў кемлівасць і змайстраваў санкі з падручных матэрыялаў.

Настаўнік фізкультуры Урыцкай школы Аляксандр Жук стаў зоркай TikTok дзякуючы сваім незвычайным двухмесным санкам. Самаробная канструкцыя лёгка слізгае па снезе любой таўшчыні і вытрымлівае больш за 300 кілаграмаў.

«А можа, і больш, — прыкідвае Аляксандр. — Нядаўна з ледзяной горкі на іх спусціліся адразу адзінаццаць дзяцей — дачка з сябрамі весяліліся».

Times.by разыскала фізрука і даведалася, што гэтыя санкі ён зрабіў сем гадоў таму для сына і дачкі, ідэю падгледзеў у інтэрнэце. Паліпропіленавыя трубы і фурнітуру купіў у будаўнічай краме, фанеру знайшоў у гаражы, а старыя лыжы — на звалцы.

«Уяўляеце, якасныя савецкія «Целяханы» хтосьці выкінуў! З іх усё і пачалося, гэта ж выдатная аснова для будучых санак», — успамінае Аляксандр.

Сёлетняя снежная зіма дала падставу выпрабаваць агрэгат па максімуме. Санкі ламаліся толькі аднойчы, але майстар хутка ўсё адрамантаваў. Догляду канструкцыя амаль не патрабуе: «Там жа няма чаму іржавець», — усміхаецца Аляксандр.

Тым, хто вырашыць паўтарыць ідэю, майстар раіць зрабіць пярэднюю частку, а менавіта загіны, даўжэйшымі. Тады ход будзе мякчэйшы, асабліва пры пад’ёме ў гару.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]