Ператварыць у жыллё ці адкрыць бізнес

Закінутыя школы ў Беларусі можна набыць усяго за некалькі дзесяткаў долараў.

Здаецца, у многіх беларусаў з’явілася ідэя-фікс — бо насамрэч можна купіць закінутку за бясцэнак і ўвасабляць у ёй нейкія ідэі. Такіх выпадкаў усё больш. Onlíner сабраў падборку падобных аб’ектаў, якія цяпер выставлены на таргі.

На пляцоўцы «БУТБ-Имущество» цяпер ёсць некалькі лотаў у Чашніцкім раёне Віцебскай вобласці. Былыя школы і дзіцячыя сады з гісторыяй і інфраструктурай шукаюць новых гаспадароў. Стартовыя цэны — сімвалічныя.

У вёсцы Стражавічы прадаецца школа з пачатковым коштам 180 рублёў. Гэта двухпавярховы будынак плошчай 1824,5 кв. м. Усе інжынерныя сеткі ёсць. Тут у будучыні можна весці аграэкатурызм, а таксама зрабіць рэканструкцыю пад жыллё.

У аграгарадку Пачаевічы выставілі на продаж будынак сярэдняй школы і сховішча для агародніны. Аб’ект падыходзіць для гаспадарчай дзейнасці або жылля. Пачатковая цана — 135 рублёў.

У вёсцы Тараскі шукае ўладальніка дзіцячы сад з падвалам, спартыўнай пляцоўкай і ўсімі камунікацыямі. Ён падыходзіць для ўвасаблення ўсяго, што заманецца: ад бізнесу да жылой двухпавярхоўкі. Кошт — 270 рублёў.

У аграгарадку Красналукі прадаецца дзіцячы сад 1938 года пабудовы. Кажуць, цана ў яго мінімальная, а патэнцыял высокі. Аб’ект каштуе ўсяго 90 рублёў.

Onlíner пацікавіўся ў «БУТБ-Имущество», ці сапраўды з гэтых грамадскіх будынкаў можна зрабіць жылыя.

— Так, калі правесці рэканструкцыю пад жылыя памяшканні, то ў іх можна жыць, — адказалі ў кампаніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]