Кадыраў упершыню пракаментаваў ДТЗ з удзелам сына
- 10.02.2026, 8:05
- 8,326
Кіраўнік Чачні згадаў штучны інтэлект.
Кіраўнік Чачні Рамзан Кадыраў назваў «ўкідам» і прадуктам штучнага інтэлекту інфармацыю пра тое, што яго сын Адам Кадыраў трапіў у ДТЗ і знаходзіўся ў крытычным стане ў рэанімацыі.
Пра гэта піша РБК-Украіна са спасылкай на расійскія СМІ.
Кадыраў адзначыў, што з дапамогай штучнага інтэлекту «можна падмануць любога чалавека».
«Па краіне адбылося 128 тысяч аварый, 13 009 чалавек загінулі, але нікому да гэтага няма справы, ніхто нічога не кажа. А ўзяты адкульсьці ўкід пра аварыю сына Кадырава стаў нумарам адзін у сусветных навінах», — сказаў кіраўнік Чачні на сустрэчы з пракурорам рэспублікі Арсанам Адаевым.
Кадыраў таксама паведаміў, што плануе ўзмацніць меры па барацьбе з кіберзлачынствамі, у тым ліку з распаўсюджваннем фэйкаў.
«Асобнае месца займае актуальнасць барацьбы з фэйкамі. Тэма вельмі важная для ўсёй краіны, але няпраўдзівая інфармацыя ў дачыненні да нашай рэспублікі заўсёды па нейкай прычыне становіцца падставай для асаблівага ажыятажу ў медыясферы», — заявіў ён.
ДТЗ з сынам Кадырава
Як вядома, пра тое, што ў Грозным адбылося ДТЗ з Адамам Кадыравым, у студзені паведамлялі апазіцыйны тэлеграм-канал Niyso і выданне «Каўказ.Рэаліі», пасля гэтую інфармацыю распаўсюдзілі іншыя СМІ.
Паведамлялася, што машына, за рулём якой быў 18-гадовы сын кіраўніка Чачні, страціла кіраванне на вельмі высокай хуткасці і сутыкнулася з агароджай. Аўтамабілі картэжа, якія рухаліся за машынай Кадырава, урэзаліся адзін у аднаго. Колькі людзей пацярпела ў аварыі, невядома.
Паводле выдання, Адама Кадырава даставілі самалётам на лячэнне ў Маскву. Раней улады Чачні ніяк не каментавалі паведамленні пра аварыю.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
