Расіяне ўдарылі па дзеючым радзільным доме ў Запарожжы
1- 1.02.2026, 15:59
- 4,354
Ёсць пацярпелыя.
У нядзелю ўдзень, 1 лютага, прадстаўнікі Узброеных Сіл РФ нанеслі ўдар па Запарожжы. Акупанты трапілі ў медыцынскую ўстанову.
Расіяне атакавалі радзільны дом у Запарожжы. Пра гэта паведаміў кіраўнік АВА Іван Фёдараў.
Паводле яго інфармацыі, колькасць пацярпелых павялічваецца і цяпер ужо складае шэсць чалавек.
Усім аказваецца неабходная дапамога, падкрэсліў чыноўнік. Паводле яго слоў, сярод пацярпелых былі дзве жанчыны, якія прыйшлі на агляд.
Сакратарка гарадскога савета Рэгіна Харчэнка паведаміла, што вакол эпіцэнтра ўдару адкрыты ўсе «Пункты нязломнасці», якія гатовыя прымаць пацярпелых.
Таксама Іван Фёдараў апублікаваў некалькі фатаграфій з наступствамі ўдару па будынку медыцынскай установы.
У Дзяржслужбе па надзвычайных сітуацыях пазней удакладнілі, што пасля ўдараў узнік пажар у прыёмнай гінекалагічнага аддзялення на другім паверсе.
Перад выбухам кіраўнік АВА папярэджваў пра варожы ўдарны БПЛА, які ляцеў у кірунку Вазнесенскага раёна Запарожжа.
Зараз расіяне працягваюць атакаваць горад.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
