Трамп заявіў аб пачатку перамоў з Кубай

Мэты прэзідэнта ЗША ў дачыненні да вострава застаюцца незразумелымі.

Прэзідэнт Дональд Трамп заявіў, што ЗША пачынаюць перамовы з кіраўніцтвам Кубы.

Пра гэта паведамляе АР.

Трамп не падаў ніякіх падрабязнасцяў пра тое, на якім узроўні і калі ягоная адміністрацыя апошнім часам кантактавала з Кубай, а толькі сказаў: «Мы пачынаем перамовы з Кубай».

Пастаўкі нафты

Адзначаецца, што мінулага тыдня Трамп падпісаў указ аб увядзенні пошлін на любыя тавары з краін, якія прадаюць або пастаўляюць нафту Кубе. Гэты крок аказаў ціск на Мексіку, ад якой Куба стала залежнай пасля таго, як Трамп спыніў пастаўкі нафты з Венесуэлы пасля адхілення Мадура.

Са свайго боку прэзідэнтка Мексікі Клаўдыя Шэйнбаўм папярэдзіла, што гэта можа выклікаць гуманітарны крызіс. У пятніцу яна заявіла, што будзе шукаць альтэрнатывы для працягу дапамогі Кубе.

«Гэта неабавязкова павінен быць гуманітарны крызіс. Я думаю, што яны, напэўна, прыйдуць да нас і захочуць заключыць пагадненне. Такім чынам Куба зноў будзе свабоднай», - сказаў Трамп у суботу.

Пагадненне з Кубай

Ён мяркуе, што ЗША заключаць нейкае пагадненне з Кубай, і сказаў: «Я думаю, ведаеце, мы будзем добрымі».

Варта адзначыць, што мэты Трампа ў дачыненні да Кубы застаюцца незразумелымі. Ён звярнуў больш увагі на востраў пасля таго, як на пачатку студзеня ягоная адміністрацыя захапіла тагачаснага прэзідэнта Венесуэлы Нікаласа Мадура.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]