Уікэнд у аятолаў не будзе сумным

Іранцы адчулі слабасць рэжыму.

Учора ўвечары па закліку Рэзы Пехлеві – сына шаха, зрынутага калісьці муламі, і найбольш вядомага апазіцыйнага іранскага палітыка – на вуліцы іранскіх гарадоў выйшла больш за мільён чалавек.

У Керманшаху паліцыя было адкрыла агонь, забіўшы двух чалавек, але пасля яшчэ аднаго папярэджання Трампа пра тое, што ён прымусіць іранскія ўлады заплаціць за смерці пратэстоўцаў «пякельную цану», стральба сціхла і, здаецца, не аднаўлялася. Што там адбываецца цяпер, зразумець цяжка – у краіне адключылі інтэрнэт, а ў некаторых месцах нават звычайную тэлефонную сувязь.

Што зразумела – дык тое, што наперадзе пятнічны намаз, і Алах ведае, як усё пойдзе пасля гэтага. Намаз – гэта скупчэнне грамадзян, а скупчэнне ва ўмовах, падобных да цяперашніх, – гэта заўсёды самаўзбуджэнне.

Важна, як павядуць сябе муллы. Звычайна пятнічная малітва выкарыстоўвалася для прасоўвання ўрадавых наратываў, гэта было нешта накшталт масавай палітінфармацыі. Ці рызыкнуць святары пайсці на гэта ў цяперашняй сітуацыі? За такое цяпер і на кавалкі разарваць могуць. Калі не рызыкнуць, людзі ўспрымуць іх маўчанне як прыкмету слабасці рэжыму, а такія рэчы ўзбуджаюць. Увогуле, спыхнуць можа проста цяпер.

А яшчэ на 20:00 Рэза Пехлеві прызначыў новы пратэст – аналагічны ўчорашняму. Карацей, уікэнд у аятолаў не будзе сумным.

Аббас Галлямаў, Telegram

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]