Пратэстоўцы ў Тэгеране падпальваюць будынкі КВІР
23- 8.01.2026, 22:40
- 21,330
Пратэсты распаўсюдзіліся на 111 гарадоў і пасёлкаў ва ўсіх правінцыях Ірана.
Хваля беспарадкаў у Іране, выкліканая эканамічным крызісам у краіне, працягваецца ўжо адзінаццаты дзень. У сераду адразу ў некалькіх месцах адбыліся жорсткія сутыкненні паміж пратэстоўцамі і сіламі бяспекі.
Іранскае інфармацыйнае агенцтва Fars, блізкае да Корпуса вартаўнікоў Ісламскай рэвалюцыі, паведаміла, што ў горадзе Лордэган на паўднёвым захадзе краіны ўзброеныя людзі застрэлілі двух паліцэйскіх, перадае BBC.
На відэа, апублікаваных у сацыяльных сетках, відаць сутыкненні паміж пратэстоўцамі і сіламі бяспекі, месцамі чутныя стрэлы, гараць будынкі Корпуса вартаўнікоў Ісламскай рэвалюцыі (КВІР).
На кадрах з некалькіх іншых раёнаў бачна, як сілы бяспекі страляюць з агнястрэльнай зброі і ўжываюць слезацечны газ супраць натоўпу пратэстоўцаў, некаторыя з якіх у адказ кідаюць камяні.
Паводле даных амерыканскага агенцтва Human Rights Activist News Agency (HRANA), пратэсты на гэты момант распаўсюдзіліся на 111 гарадоў і пасёлкаў ва ўсіх правінцыях Ірана.
Пратэсты пачаліся 28 снежня, калі ўладальнікі крам выйшлі на вуліцы сталіцы Тэгерана, каб выказаць сваё незадаволенне чарговым рэзкім падзеннем курсу іранскай валюты адносна долара ЗША на адкрытым рынку.
За апошні год рыял абваліўся да рэкордна нізкага ўзроўню, а інфляцыя ўзляцела да 40% — санкцыі ў сувязі з ядзернай праграмай Ірана душаць эканоміку, ужо аслабленую неэфектыўным кіраваннем і карупцыяй з боку ўладаў.
Неўзабаве да пратэстаў далучыліся студэнты ўніверсітэтаў, і яны пачалі распаўсюджвацца на іншыя гарады, дзе натоўпы часта выкрыквалі лозунгі супраць вярхоўнага лідара краіны аяталы Алі Хаменеі, а часам і ў падтрымку Рэзы Пехлеві, сына пакойнага былога шаха Ірана, які знаходзіцца ў выгнанні.
ТЭРМІНОВА:
Антырэжымны пратэстоўца толькі што выкарыстаў свой Peugeot, каб пераехаць некалькіх сілавікоў ісламскага рэжыму ў другім па велічыні горадзе Ірана — Машхадзе.
Чуецца, як іранскія жанчыны з балконаў падтрымліваюць яго воклічамі. pic.twitter.com/w20Qa4OpPz
— Visegrád 24 (@visegrad24) 8 студзеня 2026
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
