Трэба проста выстаўіць Пуціну ультыматум

Інакш ён не спыніцца.

Кааліцыя «рашучых» сур'ёзна абмяркоўвае гарантыі бяспекі Украіны, у тым ліку ўвядзенне брытанскіх і французскіх войскаў пасля пачатку перамір'я. Але гэта бяссэнсоўна. Пуцін ні на якое перамір'е не пагаджаецца і ніколі не пагодзіцца, тым больш калі пасля гэтага ва Украіну ўвайдуць войскі краін НАТА.

Прымаць рашэнне пра ўвядзенне такіх войскаў трэба не пасля перамір'я, а дзеля таго, каб яго дамагчыся: проста выстаўіць Пуціну ультыматум — калі не спыняеш вайну, 1 лютага пачынаем уводзіць войскі. Вось тады ён можа спалохацца і спыніцца, але не раней.

Такое ўжо было ў гісторыі — падчас савецка-фінскай вайны. 2 сакавіка 1940 года прэм'ер-міністр Францыі Даладзье абвясціў пра гатоўнасць накіраваць для абароны Фінляндыі 50 тыс. французскіх салдат і 100 бамбавікоў; паралельна Вялікабрытанія прыняла рашэнне паслаць туды яшчэ 50 англійскіх вайсковых самалётаў. А ўжо 12 сакавіка вайна скончылася: марыянетачны прасавецкі «ўрад» Куусінена быў выкінуты Сталіным на сметнік разам з ідэяй далучэння Фінляндыі да СССР.

Дзеля справядлівасці трэба адзначыць, што пасля таго як пагроза франка-брытанскай інтэрвенцыі ў Фінляндыю знікла разам з крахам Францыі ў чэрвені 1940 года, Сталін зноў вярнуўся да ідэі захопу паўночна-заходняга суседа. Але гэта ўжо іншая гісторыя.

Ігар Эйдман, Telegram

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]