Лукашэнка зноў прызначыў свайму сыну прэстыжную стыпендыю

За гэта заплацяць падаткаплацельшчыкі.

З рэзервовага фонду Аляксандра Лукашэнкі выдзеляць 1 млн 34 тыс. рублёў на «сацыяльную падтрымку адораных вучняў і студэнтаў», паведамляе «Зеркало». Сярод іх значыцца малодшы сын дыктатара Мікалай, як вынікае са спецыяльнага распараджэння.

Аляксандр Лукашэнка падпісаў распараджэнне аб выдзяленні больш за 1 млн рублёў на сацпадтрымку 194 «адораных студэнтаў ВНУ».

У спісе значыцца Мікалай Лукашэнка — ён будзе атрымліваць дадатковую стыпендыю ў памеры 251,99 як адораны студэнт 4-га курса БДУ.

Акрамя гэтага спецыяльныя прэміі выплацяць 38 пераможцам міжнародных алімпіяд і конкурсаў, а таксама асаблівыя заахвочванні атрымаюць 320 вучняў, курсантаў і студэнтаў.

Рэзервовы фонд Аляксандра Лукашэнкі фарміруецца за кошт бюджэтных сродкаў.

Нагадаем, летам 2022 года стала вядома, што Мікалай Лукашэнка паступіў на біёфак БДУ. Афіцыйна гэтая інфармацыя нідзе не пацвярджалася. У спісах на залічэнне яго таксама не было. Але, як распавядалі «Зеркалу» чытачы, на біялагічным факультэце сабралі асобную групу «таленавітых выпускнікоў», куды і ўвайшоў самы вядомы абітурыент-2022.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]