«За вашу і нашу свабоду!»: беларусы і іранцы правялі супольную акцыю ў цэнтры Вільнюса

Салідарнасць — наша наймацнейшая зброя.

Мітынг пад лозунгамі «За вашу і нашу свабоду!» і «Спыніць генацыд іранскага народа!» прайшоў сёння ўдзень на плошчы Вінцаса Кудзіркі ў цэнтры Вільнюса. У ім узялі ўдзел прадстаўнікі іранскай дыяспары ў Літве, актывісты «Еўрапейскай Беларусі», «Народнай Грамады», «Re:Belarus», былыя палітвязні. На акцыі гучалі лозунгі «Спыніце генацыд іранскага народа», «Хай жыве Іран — Жыве Беларусь!», «Сёння Іран — заўтра Беларусь!».

Паводле слоў арганізатараў мітынгу, без прамога ўмяшання краін Захаду забойствы мірных дэманстрантаў у Іране спыніць немагчыма.

«Мы чакаем ад краін Захаду, каб яны выканалі абяцанні, дадзеныя ў самым пачатку пратэсту, — сказаў у інтэрв’ю Charter97.org адзін з лідараў іранскай дыяспары ў Літве Бенджамін Дарамі. — Каб яны спынілі распаўсюд прапаганды Ісламскай Рэспублікі ў умовах, калі звычайныя людзі ў Іране пазбаўлены доступу да інтэрнэту. Каб яны спынілі любыя дыпламатычныя адносіны з іранскім рэжымам, бо гэты рэжым не прадстаўляе народ.

Нам таксама патрэбна ваеннае ўмяшанне ЗША. Яно будзе ўспрынята іранскім народам як падтрымка. Людзі адчулі ўпэўненасць пасля звароту Трампа. Ён абяцаў абарону, ён казаў, што калі людзі выйдуць на вуліцы і калі рэжым будзе страляць у іх і забіваць іх, то ЗША прыйдуць на дапамогу. Мы чакаем, што гэтыя абяцанні будуць выкананыя».

«Ідэя правядзення супольнай акцыі ўзнікла паўмесяца таму, калі мы сустрэліся з іранцамі, якія жывуць у Вільнюсе, — сказаў каардынатар грамадзянскай кампаніі «Еўрапейская Беларусь» Яўген Афнагель. — Мы зразумелі, што ў нас прыкладна аднолькавыя праблемы і задачы.

Мы патрабуем вызвалення ўсіх беларускіх палітвязняў і ўсіх палітвязняў у Іране. Мы патрабуем спынення рэпрэсій у нашых краінах.

Нам супрацьстаіць «дыктатарскі інтэрнацыянал» — Лукашэнка, Пуцін, Хаменеі і падобныя да іх рэжымы. Яны абменьваюцца досведам, ва ўсім падтрымліваюць адзін аднаго. І мы, і іранцы разумеем, што падзенне любога з дыктатараў створыць велізарныя цяжкасці для іншых. Таму цяпер беларусы з надзеяй глядзяць на Іран і, як і самі іранцы, чакаюць адэкватнай рэакцыі краін Захаду на злачынствы рэжыму Хаменеі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]