Reuters: ЗША прапануюць Індыі венесуэльскую нафту замест расійскай
6- 31.01.2026, 18:56
- 3,002
РФ рызыкуе страціць ключавы рынак збыту.
Злучаныя Штаты ў 2025 годзе ўвялі мытныя тарыфы ў дачыненні да Індыі за куплю венесуэльскай нафты. Аднак цяпер Вашынгтон паведаміў Дэлі, што Індыя можа аднавіць гэтыя закупкі, каб дапамагчы замяніць імпарт расійскай нафты, паведамляе Reuters.
Агенцтва піша, што Індыя паабяцала рэзка скараціць закупкі расійскай нафты пасля таго, як Вашынгтон павысіў мытныя тарыфы. У прыватнасці, у сакавіку 2025 года прэзідэнт ЗША Дональд Трамп увёў 25-працэнтныя тарыфы на тавары з краін, якія купляюць венесуэльскую нафту.
Пасля захопу прэзідэнта Венесуэлы Нікаласа Мадура 3 студзеня Вашынгтон пачаў кіраваць урадам Каракаса і мае намер кантраляваць нафтавую прамысловасць краіны на нявызначаны тэрмін.
Як тлумачыць выданне, спробы ЗША пастаўляць венесуэльскую нафту ў Індыю адбываюцца на фоне імкнення Вашынгтона скараціць даходы ад расійскай нафты, якія фінансуюць вайну РФ супраць Украіны.
Пры гэтым крыніцы не паведамілі падрабязнасцяў пра тое, ці будзе венесуэльская нафта прадавацца староннімі гандлёвымі кампаніямі, такімі як Vitol або Trafigura, ці ж наўпрост дзяржаўнай нафтавай кампаніяй Венесуэлы PDVSA.
Два суразмоўцы Reuters сказалі, што Індыя ў найбліжэйшы час скараціць імпарт расійскай нафты да ўзроўню ніжэй за 1 млн барэляў у суткі.
У студзені аб'ём здабычы складае каля 1,2 млн барэляў у суткі, і, як прагназуе адзін з двух крыніц, у лютым зніжэнне будзе да 1 млн барэляў, а ў сакавіку — да 800 барэляў у суткі.
Другі суразмоўца кажа, што, як чакаецца, у выніку імпарт скараціцца прыкладна да 500–600 тысяч барэляў у суткі, што дапаможа краіне заключыць гандлёвае пагадненне з ЗША.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
