Еўракамісія пачала расследаванне супраць Славакіі

Праз дзеянні Фіца ў дачыненні да вяршэнства права.

Еўракамісія ў пятніцу, 30 студзеня, абвясціла пра пачатак расследавання ў дачыненні да Славакіі, паколькі яе прэм’ер Роберт Фіцо ліквідаваў бюро абароны інфарматараў.

Пра гэта паведамляе выданне Politico.

Журналісты адзначаюць, што ў сваёй апошняй спрэчцы з Браціславай адносна вяршэнства права выканаўчы орган ЕС раскрытыкаваў Фіца за спробу замяніць бюро новай установай, кіраўніцтва якой будуць прызначаць палітычна.

«Камісія лічыць, што гэты закон парушае правілы ЕС», — гаворыцца ў паведамленні.

Зузана Длугошава, кіраўніца бюро абароны інфарматараў, заявіла, што яна неаднаразова папярэджвала славацкіх чыноўнікаў, што гэтыя планы супярэчаць заканадаўству Еўрасаюза.

«Калі б экспертныя заўвагі былі ўлічаныя, Славакія магла б пазбегнуць працэдур ЕС аб парушэнні заканадаўства. У той жа час мы лічым, што сам гэты працэс можа спрыяць больш прафесійнай і змястоўнай дыскусіі пра тое, як належным чынам павінна быць наладжаная абарона інфарматараў у Славакіі», — сказала яна.

Брусель даў Браціславе адзін месяц, каб адказаць на яго запыты. Далей Еўрасаюз можа прыняць меры, якія патэнцыйна будуць уключаць скарачэнне выплат Славакіі пасля шматузроўневага працэсу.

Politico піша, што з моманту вяртання да ўлады ў 2023 годзе на чацвёрты тэрмін партыя Фіца SMER прыняла меры для дэмантажу антыкарупцыйных інстытутаў. У прыватнасці, ідзе пра закрыццё Спецыяльнай пракуратуры, якая займалася гучнымі карупцыйнымі справамі, і роспуск NAKA, элітнага паліцэйскага падраздзялення, якому даручана змагацца з арганізаванай злачыннасцю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]