Спікер Дзярждумы РФ заклікаў нанесці ўдар па Украіне «зброяй адплаты»

Вячаслаў Валодзін прызнаў, што Расія не можа перамагчы Украіну на полі бою.

Расія павінна нанесці па Украіне ўдар «зброяй адплаты», каб дамагчыся перамогі ў вайне. Такое патрабаванне, як заявіў спікер Дзярждумы Вячаслаў Валодзін, высоўвае дэпутацкі корпус. «Дэпутаты Дзяржаўнай думы настойваюць на ўжыванні больш магутнай зброі — «зброі адплаты». І на дасягненні мэтаў «спецыяльнай ваеннай аперацыі», — напісаў старшыня ніжняй палаты ў тэлеграм-канале.

Валодзін таксама заявіў, што з-за прэзідэнта Украіны Уладзіміра Зяленскага «ужо з наступнага тыдня» грамадзянаў Украіны чакаюць «новыя праблемы». Гэтая заява прагучала пасля сцверджання прадстаўніка Крамля Дзмітрыя Пяскова пра тое, што Масква пагадзілася прыпыніць удары па Кіеве да 1 лютага, каб, па ягоных словах, забяспечыць «спрыяльныя ўмовы» для мірных перамоваў.

Пра спыненне удараў па аб’ектах інфраструктуры расійскія і ўкраінскія вайсковыя блогеры паведамлялі раніцай у чацвер. Пасля гэтага пра гэта заявіў прэзідэнт Дональд Трамп, які растлумачыў, што звярнуўся з асабістай просьбай да свайго расійскага калегі, Уладзіміра Пуціна, «не наносіць удары па Кіеве і іншых гарадах і населеных пунктах цягам тыдня» ў перыяд экстрэмальных маразоў. Пасля серыі магутных абстрэлаў інфраструктуры з боку РФ у студзені тысячы жыхароў шэрагу гарадоў Украіны, у тым ліку яе сталіцы, засталіся без электрычнасці, ацяплення і вады.

Раніцай 30 студзеня ўкраінскі лідар Уладзімір Зяленскі сказаў, што непасрэдных перамоваў паміж Кіевам і Масквой па гэтым пытанні не было: «Калі Расія не б’е па нашай энергетыцы — мы не будзем біць па іх энергетыцы. Думаю, гэта адказ, на які разлічваў пасярэднік перамоваў — ЗША».

З 1 па 3 лютага ва Украіне, згодна з данымі сінаптыкаў, чакаецца максімальнае пахаладанне: тэмпература ў большасці рэгіёнаў краіны апусціцца да 20–27 градусаў ніжэй за нуль, а ў асобных раёнах — да –30 градусаў. Паступовае аслабленне маразоў пачнецца 4–5 лютага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]