Макрону давялося апраўдвацца перад Зяленскім

З-за адпушчанага танкера расіян.

Францыя адпусціла раней затрыманы танкер расійскага «ценявога флоту». У тэлефоннай размове 29 студзеня французскі прэзідэнт Эмануэль Макрон заявіў украінскаму калегу Уладзіміру Зяленскаму, што на гэта давялося пайсці з-за патрабаванняў французскага заканадаўства.

Як піша «Еўрапейская праўда», пра гэта Зяленскі распавёў на сустрэчы з журналістамі ў Кіеве.

Паводле слоў украінскага прэзідэнта, Макрон паабяцаў унесці змены ў французскае заканадаўства, каб у будучыні такія танкеры заставаліся пад арыштам.

Зяленскі заклікаў іншыя краіны Еўропы ўзяць прыклад з Францыі і спыняць танкеры расійскага «ценявога флоту».

«Гэта ж пытанне да ўсіх дзяржаў. Прынамсі да паўночных, марскіх дзяржаў, якія маюць на гэта ўплыў. То бок танкеры з расійскай нафтай трэба спыніць, і каб яна ў цябе засталася, а не спыніць на нейкі час і адпусціць», — сказаў украінскі прэзідэнт.

На думку Зяленскага, канфіскацыя танкераў «ценявога флоту» можа стаць важным інструментам набліжэння міру.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]