Украіна заклікала выгнаць РФ з Рады кіраўнікоў МАГАТЭ

Расія наўмысна падрывае ядзерную бяспеку.

Украіна заклікала прыпыніць сяброўства Расіі ў Радзе кіраўнікоў МАГАТЭ. Акрамя таго, ініцыявана ўнясенне змяненняў у Статут агенцтва.

Аб гэтым паведамляецца у заяве міністра энергетыкі Украіны Дзяніса Шмыгаля.

- Дзяржава, якая наўмысна падрывае ядзерную бяспеку, не можа браць поўнацэнны ўдзел у галоўным палітычным органе агенцтва, - падкрэсліў ён.

Шмыгаль адзначыў, што Расія «сістэмна і мэтава» атакавала электрападстанцыі, якія забяспечваюць вонкавае электразабеспячэнне ўкраінскіх АЭС.

- Гэта - падрыў аднаго з сямі слупоў ядзернай бяспекі, вызначаных МАГАТЭ, - гаворыцца ў яго заяве.

Украінскі міністр таксама адзначыў сітуацыю з часова акупаванай Запарожскай АЭС, якая за гады поўнамаштабнай вайны ўжо 12 разоў цалкам губляла вонкавае электразабеспячэнне.

«Мы заклікалі дзяржавы-чальцы ўвесці ўсёабдымныя санкцыі супраць «Расатама» і абмежаваць супрацоўніцтва з гэтай кампаніяй ва ўсіх магчымых сферах. Паднялі пытанне прыпынення сяброўства Расіі ў Радзе кіраўнікоў МАГАТЭ, а таксама абмеркавалі намер ініцыяваць унясенне змяненняў у Статут МАГАТЭ з мэтай абмежавання правоў дзяржавы-агрэсара», - заявіў Шмыгаль.

Ён падкрэсліў, што надышоў час «увесці рэальную адказнасць за акты агрэсіі, якія падрываюць ядзерную бяспеку».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]