У якім узросце беларусы набываюць першае жыллё

Назіраецца амаладжэнне пакупнікоў.

Сярэдні ўзрост беларуса, які ўпершыню набывае ўласнае жыллё, складае 30–35 гадоў. Пра гэта на прэс-канферэнцыі ў Доме прэсы паведаміла начальніца ўпраўлення ацэнкі Нацыянальнага кадастравага агенцтва Вераніка Салаўёва, перадае OfficeLife.

Пры гэтым эксперты адзначаюць і галоўную тэндэнцыю рынку: амаладжэнне пакупнікоў.

Як распавёў старшыня праўлення спажывецкага кааператыву «Жыллёвы баланс» Сяргей Нестэровіч, за больш як 11 гадоў працы сярэдні ўзрост кліента кааператыву знізіўся з 40 да 30 гадоў і маладзей.

Асобна эксперты закранулі статыстыку па жыллёвым рынку за 2025 год. І яна раскрывае парадаксальную карціну: пры агульным зніжэнні актыўнасці — было заключана каля 15,1 тысячы здзелак супраць 19 тыс. у 2024‑м — цэны на жыллё дасягнулі гістарычнага максімуму.

У сталіцы, напрыклад, кошт кватэр вырас у сярэднім на 22%, а ў новабудоўлях, узведзеных пасля 2010 года, — на 26%.

І тут ужо вымалёўваецца яшчэ адна цікавая тэндэнцыя: плацежаздольнасць пакупнікоў не паспявае за ростам цэн.

Пік актыўнасці 2025‑га прыйшоўся на кастрычнік, калі некалькі банкаў абвясцілі пра больш прывабныя ўмовы крэдытавання. За гэты месяц было здзейснена 1,47 тыс. здзелак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]