Рубіо: Ленін не прызнаў бы сістэму улады на Кубе

Сітуацыя на востраве выходзіць за межы марксісцкай або камуністычнай ідэалогіі.

Дзяржсакратар ЗША Марка Рубіо падчас выступлення на слуханнях у камітэце Сената па міжнародных адносінах раскрытыкаваў палітычна-эканамічную мадэль Кубы і заявіў, што яна страціла ідэалагічную сувязь нават з заснавальнікамі камунізму.

Паводле Рубіо, сітуацыя на Кубе выходзіць за межы марксісцкай або камуністычнай ідэалогіі. У тым, што адбываецца, ён абвінаваціў кубінскі ўрад. «У краіне няма дзеяздольнай эканомікі. Можна называць гэтую сістэму марксізмам або камунізмам, але нават Ленін не прызнаў бы гэтую версію», — сказаў дзяржсакратар ЗША (цытата паводле Diario de Cuba).

Ён указаў на праблемы ў сельскіх раёнах Кубы, якія, на ягоную думку, былі выкліканыя не ЗША, а няздольнасцю ўладаў кіраваць эканомікай. «Як так атрымалася, што эмбарга прымусіла Кубу, найбуйнейшага ў свеце вытворцу цукру, імпартаваць цукар?» — задаўся пытаннем Рубіо.

Адказваючы на пытанне, ці чакаюць ЗША «змены рэжыму» на Кубе, Рубіо сказаў: «Вядома, мы хочам убачыць змену рэжыму».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]