У Мінску іскрацца і «гараць» тралейбусныя правады

Відавочцы публікуюць відэа з розных раёнаў горада.

Адразу некалькі відавочцаў паведамілі пра тралейбусныя правады, што моцна іскрацца («гараць»), прыслаўшы ў Onlíner у пацвярджэнне відэа.

Асабліва ўражваюць кадры запісу, зробленага на праспекце Незалежнасці каля Dana Mall. Амаль адначасова з гэтым ролікам нам прыслалі і іншы, зняты на праспекце Дзяржынскага каля Rubin Plaza.

Адразу некалькі відавочцаў паведамілі пра тралейбусныя правады, што моцна іскрацца («гараць»), прыслаўшы ў пацвярджэнне відэа.

Асабліва ўражваюць кадры запісу, зробленага на праспекце Незалежнасці каля Dana Mall. Амаль адначасова з гэтым ролікам нам прыслалі і іншы, зняты на праспекце Дзяржынскага каля Rubin Plaza.

Насамрэч гэта вядомая гісторыя: пра «гарачыя» тралейбусныя правады мы пісалі роўна тры гады таму, у студзені 2022-га. Тады ў рэдакцыю Onlíner таксама прыходзіла шмат паведамленняў пра незвычайную з’яву. А да таго хваля паведамленняў была ў снежні 2021-га.

Тады ж стала вядома, што менавіта адбываецца. Тэлеграм-канал Мінскага гарвыканкама апублікаваў словы дырэктара філіяла службы энергагаспадаркі «Мінсктранс» Віктара Домарада. «З-за прабою ізаляцыі на спецыяльных участках кантактнай сеткі адбываецца кароткае замыканне. Гэта з’яўляецца наступствам асаджвання пароў солі з-за шчодрага пасыпання праезнай часткі супрацьгалалёдным рэагентам», — патлумачыў ён.

Відавочца прыслаў нам яшчэ адно відэа.

— Тралейбусы сталі якраз на аўтобусным прыпынку «Аперны тэатр» у бок Нямігі. Вадзіцель высадзіў пасажыраў і сказаў, што па ўсёй лініі няма току, — расказаў чытач Onlíner.

Таксама чытачы адзначылі, што ўжо вядзецца рамонт тралейбусных правадоў.

На працягу вечара аўторка «Мінсктранс» паведамляў пра спыненні руху тралейбусаў на розных маршрутах з-за пашкоджання кантактнай сеткі.

«У сувязі з пагоднымі ўмовамі адбываецца прабой ізаляцыі на кантактнай сетцы, з-за чаго спрацоўвае абарона і ў кантактнай сетцы адключаецца напружанне, — растлумачыў карэспандэнту БелТА прычыны такіх пашкоджанняў намеснік генеральнага дырэктара па арганізацыі перавозак ГУ «Мінсктранс» Раман Прановіч. — У такіх выпадках на месца аператыўна выязджаюць аварыйныя брыгады і ліквідуюць прабоі шляхам замены ізаляцыі».

Сёння відавочцы працягваюць прысылаць паведамленні і відэа з тралейбуснымі правадамі. Напрыклад, гэтыя кадры знятыя на вул. Прытыцкага. На працягу прыкладна хвіліны можна бачыць яркія ўспышкі і іскры, што падаюць на асфальт. Аўтар роліка заўважае, што, апрача гэтага, быў яшчэ і моцны пах. Пра здарэнне ён паведаміў у МНС.

Праўда, ёсць відэа зусім іншага кшталту. На ім выдатна відаць, як падчас руху тралейбуса токапрыёмнік здымае з правада скарынку лёду. Выглядае прыгожа — і без страшных успышак.

Адразу некалькі відавочцаў паведамілі пра тралейбусныя правады, што моцна іскрацца («гараць»), прыслаўшы ў пацвярджэнне відэа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]