У Віцебску на продаж выставілі частку чыгуначнага вакзала

На таргі трапіў трохпавярховы адміністрацыйны будынак.

У Віцебску выставілі на таргі адміністрацыйны корпус чыгуначнага вакзала. Аб'ект прадаецца на пляцоўцы «БУТБ-Имущество», а яго пачатковы кошт складае каля 8,2 мільёна рублёў, піша Office Life.

Ідзе гаворка пра трохпавярховы цагляны будынак, пабудаваны ў 1960 годзе. Яго агульная плошча — каля 2,7 тысячы квадратных метраў. Памяшканне цалкам забяспечана інжынернымі камунікацыямі: ёсць электраэнергія, ацяпленне, водазабеспячэнне, тэлефонная сувязь і вентыляцыя.

Акрамя самога будынка, пакупніку прапануюць у арэнду зямельны участак плошчай 0,2706 гектара. Пры гэтым арэнда будзе аформлена без аўкцыёну і без платы за права карыстання зямлёй, а тэрмін вызначаць ужо пры падпісанні дагавора. Мэтавае прызначэнне участка — будаўніцтва і абслугоўванне адміністрацыйных будынкаў і збудаванняў.

Дарэчы, у лістападзе мінулага года гэты ж аб'ект ужо выставлялі на продаж на іншай аўкцыённай пляцоўцы — GosTorg. Праўда, тады цану не называлі, бо арганізатары хацелі толькі ацаніць зацікаўленасць патэнцыйных пакупнікоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]