Непадалёк ад Зямлі знайшлі патэнцыйна прыдатную для жыцця планету

Планета па памерах блізкая да Зямлі і круціцца вакол зоркі, падобнай да Сонца.

Калі вынікі даследавання пацвердзяцца, то планета HD 137010 b стане адзінай пацверджанай камяністай планетай, якая знаходзіцца ў жыццепрыдатнай зоне зоркі, падобнай да Сонца.

Астраномы заявілі, што яны выявілі меркаваную планету, якая па памерах падобная да Зямлі. Гэты свет, існаванне якога яшчэ трэба пацвердзіць, атрымаў назву HD 137010 b і круціцца вакол падобнай да Сонца зоркі на адлегласці 150 светлавых гадоў ад нас. Гэта лічыцца блізкай адлегласцю паводле касмічных меркаў. Астраномы лічаць, што гэта можа быць патэнцыйна прыдатная для жыцця планета. Даследаванне апублікавана ў The Astrophysical Journal Letters, піша ABC.

Адзін з самых папулярных спосабаў выяўлення планет па-за Сонечнай сістэмай — транзітны метад. Калі патэнцыйная планета праходзіць на фоне сваёй роднай зоркі, святло апошняй становіцца цьмяней. Улічваючы розныя характарыстыкі святла, астраномы могуць меркаваць, што яны выявілі новую планету.

Таму аб’ект пад назвай HD 137010 b пакуль з’яўляецца кандыдатам на ролю камяністай планеты, хоць аўтары даследавання лічаць, што гэта менавіта планета, а не нешта іншае. Для пацвярджэння гэтага факта трэба будзе правесці яшчэ як мінімум адно назіранне.

Пакуль вядома, што меркаваная планета HD 137010 b — камяністая, то-бок падобная да планет зямной групы, а па памеры яна прыкладна на 6% большая за Зямлю. Таксама астраномы высветлілі, што гэтая планета круціцца вакол сваёй зоркі на прыблізна той жа адлегласці, што і Марс ад Сонца (Марс знаходзіцца далей ад нашай зоркі, чым Зямля).

Навукоўцы кажуць, што існуе 50-працэнтная верагоднасць таго, што планета HD 137010 b можа быць прыдатным для жыцця светам. На гэта паказвае той факт, што яна знаходзіцца на ўскрайку жыццепрыдатнай зоны сваёй зоркі. Гэта азначае, што на планеце могуць быць умовы, якія дазваляюць існаваць вадкай вадзе на паверхні. Вада, як вядома, з’яўляецца адным з галоўных кампанентаў для жыцця ў тым выглядзе, у якім мы яго ведаем.

І ўсё ж наяўнасць вадкай вады залежыць ад атмасферных умоў на планеце HD 137010 b, а таксама ад яе масы. Пакуль няма магчымасці вызначыць наяўнасць атмасферы ў меркаванага свету і ўдакладніць яго масу. Але навукоўцы спадзяюцца зрабіць гэта ў будучыні.

Таксама астраномы не адкідваюць магчымасці, што гэта можа быць халодная планета, куды не паступае дастаткова святла і цяпла яе зоркі. У такім выпадку яна будзе непрыгоднай для жыцця.

Паводле слоў навукоўцаў, гэта ўнікальны аб’ект, бо выяўлена вельмі мала кандыдатаў у планеты з падобнымі фізічнымі характарыстыкамі. Калі вынікі даследавання пацвердзяцца, то планета HD 137010 b стане адзінай пацверджанай камяністай планетай, што знаходзіцца ў жыццепрыдатнай зоне зоркі, падобнай да Сонца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]