Супрацоўніца банка ў Бабруйску прайграла ў казіно больш за паўмільёна рублёў

Грошы яна брала з касы, падмяняючы банкноты муляжамі.

Бабруйскі міжраённы аддзел Следчага камітэта ўзбудзіў крымінальную справу аб прысваенні 532 тыс. рублёў супрацоўніцай аднаго з мясцовых банкаўскіх аддзяленняў.

Паводле даных следства, 52-гадовая мясцовая жыхарка, карыстаючыся службовым доступам, рэгулярна крала наяўныя грошы, прызначаныя для правядзення валютна-абменных аперацый. Для гэтага яна сістэматычна распячатвала пакеты з грашыма і па частках забірала замежную валюту, беларускія і расійскія рублі. Каб у калег не ўзнікала падазрэнняў пры вонкавым аглядзе, яна майстэрскі падкладвала ў пачкі муляжы банкнотаў, вырабленыя з паперы.

Пахішаная сума перавысіла 532 тыс. рублёў. Падазраваная сама, баючыся праверкі, паведаміла напарніцы пра магчымую недастачу, што і стала падставай для дбайнай рэвізіі. І па яе выніках выявілі вінаватую. Та на допыце распавяла, што пахішчаныя сродкі траціла на гульню ў інтэрнэт-казіно.

Жыхарцы Бабруйска прад'яўлена абвінавачанне паводле ч. 4 арт. 211 (прысваенне маёмасці, учыненае ў асабліва буйным памеры) КК Рэспублікі Беларусь. З санкцыі пракурора да яе прыменена мера стрымання ў выглядзе заключэння пад варту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]