NYT: Расійскія страты ў вайне супраць Украіны дасягаюць 1,2 мільёна ваеннаслужачых

Украіна страціла ўдвая менш.

Агульныя страты Украіны і Расіі за амаль чатыры гады поўнамаштабнай вайны набліжаюцца да 2 мільёнаў чалавек і складаюць каля 1,8 мільёна. Расійская армія страціла ўдвая больш, чым Узброеныя сілы Украіны.

Пра гэта паведаміў аналітычны Цэнтр стратэгічных і міжнародных даследаванняў у Вашынгтоне, яго цытуе New York Times.

Амерыканскія аналітыкі лічаць, што расійскія страты дасягаюць каля 1,2 мільёна ваеннаслужачых, а ўкраінскія — каля 600 тысяч. Гэтыя даныя ўключаюць загінулых, параненых і зніклых без вестак.

На працягу ўсяго перыяду вайны было цяжка ўстанавіць дакладную колькасць ахвяр, паколькі лічыцца, што Расія сістэматычна заніжае колькасць сваіх загінулых і параненых, а Украіна не абнародуе афіцыйныя лічбы. Даследаванне базавалася, між іншым, на ацэнках урадаў ЗША і Вялікабрытаніі.

Адзначаецца, што толькі загінулых з расійскага боку — 325 тысяч ваеннаслужачых.

У Цэнтры даследаванняў падкрэслілі, што ні адна буйная дзяржава не панесла «нават блізка такой колькасці ахвяр або смерцяў з часоў Другой сусветнай вайны». У той жа час Украіна з пачатку вайны страціла ад 100 да 140 тысяч ваеннаслужачых загінулымі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]