Віктар Лукашэнка прыляцеў у Абу-Дабі з неанансаваным візітам

Што вядома.

Віктар Лукашэнка 27 студзеня ў Абу-Дабі сустрэўся з віцэ-прэзідэнтам і віцэ-прэм’ерам Аб’яднаных Арабскіх Эміратаў, шэйхам Мансурам ібн Заідам Аль Нахаянам, паведаміла эмірацкае інфармагенцтва WAM. Беларускі бок не паведамляў пра візіт.

Паводле паведамлення з Эміратаў, Віктар Лукашэнка быў там як спецыяльны пасланнік свайго бацькі па Блізкім Усходзе. На сустрэчы з шэйхам і з міністрам знешняга гандлю ААЭ бакі абмеркавалі кааперацыю ў розных сферах і далейшае развіццё адносінаў, «пытанні сумесных інтарэсаў». Іншых падрабязнасцяў не паведамляецца.

Віктар Лукашэнка — старэйшы сын Аляксандра Лукашэнкі, былы памочнік бацькі па нацыянальнай бяспецы і былы член Савета бяспекі, а цяпер толькі прэзідэнт Нацыянальнага алімпійскага камітэта і рэстаратар. Як спецпасланец бацькі ён ужо быў у Амане.

Гандаль і інвестыцыі паміж Беларуссю і ААЭ невялікія. Статыстыку пра гэта ў Беларусі даўно засакрэцілі: апошняя даступная — за 2021 год. Тады тавараабарот таварамі паміж краінамі склаў усяго 58,7 млрд долараў, паслугамі — 211,5 млн долараў (найбольш у гэтым — транспартныя паслугі Беларусі для ААЭ). Інвестыцыі з ААЭ ў Беларусь тады складалі толькі 59,4 млн долараў у год.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]