Беларусы пабудавалі незвычайны дом «у 15 кіламетрах ад Мінска»
1- 27.01.2026, 16:45
- 4,178
У ім ёсць кухня-гасцёўня, спальня і ніякай іпатэкі.
Дом з «прасторнай кухняй‑гасцёўняй» і спальняй сям’я беларусаў узвяла са снегу «у 15 км ад Мінска». Вынікам працы падзялілася ў Threads карыстальніца biralo.art.
«Дом у 15 км ад Мінска. Вялікая прасторная кухня‑гасцёўня, асобная спальня і цікавае дызайнерскае рашэнне ў выглядзе куста, што прабіўся са сцяны. Два вокны‑ілюмінатары з тоўстага шкла‑льду. Ацяплення няма, але пры жаданні можна ўсталяваць абагравальнік», — напісала аўтарка.
Сярод пераваг снежнага дома блогерка таксама адзначыла выхад у двор з гасцёўні. Дакладную плошчу жылых памяшканняў яна пакуль не падлічвала, бо «магчымыя пашырэнні».
«Будаўнічыя матэрыялы падалі з неба, таму ўдалося зэканоміць, справіліся ўласнымі сіламі, без крэдытаў», — падкрэсліла biralo.art.
Яна дадала, што дом будавалі па выхадных. Работы занялі ў агульнай складанасці прыкладна тыдзень.
Паглядзець у Threads
Самабуд здзівіў карыстальнікаў сацсеткі. Многія ў каментарыях пад пастом дзяліліся сваім захапленнем.
«Клас! Бронь на сакавіцкія! А падснежнікі ўжо будуць?» — пажартаваў likefeeluprain.
Некаторыя выказалі занепакоенасць устойлівасцю пабудовы.
«Будзьце асцярожныя і падумайце пра ўмацаванне канструкцыі. У такой самаробнай снежнай пячоры ў Мінску некаторы час таму адбыўся абвал, і дзіця прыціснула снегам, выбрацца не ўдалося, смяротны зыход», — напісаў dmitry_leshok.
«Дзякуй! Цэнтральная калона вельмі добра праліта вадой, сам дом таксама пралівалі некалькі разоў. Дзіцяці без дарослых туды хадзіць не дазваляем», — адказала аўтарка.
Таксама ў абмеркаванні нагадалі пра нядаўні трагічны выпадак з райцэнтра Бярозаўка Краснаярскага краю (Расія), дзе ў гурбе загінула дзяўчынка, якая рыла ў снезе тунэль. Падчас гульні верхняя частка снежнай глыбы абвалілася і перакрыла выхад. Дзіця не змагло выбрацца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
