Абама і Клінтан заклікалі амерыканцаў пратэставаць супраць палітыкі Трампа

Былыя прэзідэнты ЗША заклікалі суграмадзян да абароны свабоды.

Былыя прэзідэнты ЗША Барак Абама і Біл Клінтан выступілі з заклікам да амерыканцаў выходзіць на акцыі супраць палітыкі Дональда Трампа, паведамляе BILD.

Паводле звестак выдання, былы прэзідэнт ЗША Біл Клінтан звярнуўся да грамадзян з заклікам адкрыта пратэставаць супраць дэпартацыйнай палітыкі адміністрацыі пасля гібелі 37-гадовага медбрата Алекса Прэці у Мінеапалісе. Ён назваў тое, што адбылося, трывожным сігналам для краіны.

– Калі мы пасля 250 гадоў адмовімся ад нашых свабод, мы можам ужо ніколі іх не вярнуць, — заявіў Клінтан.

Да падтрымкі пратэстаў раней далучыліся Барак Абама і ягоная жонка Мішэль. У сумесным звароце яны адзначылі, што мірныя акцыі ў Мінеапалісе і іншых гарадах нагадваюць пра грамадзянскую адказнасць.

– Гэта своечасовае напамінанне пра тое, што ўрэшце менавіта ад кожнага і кожнай з нас як грамадзянаў залежыць, ці гатовыя мы паўставаць супраць несправядлівасці, бараніць нашы асноўныя свабоды і патрабаваць адказнасці ад улады, — гаворыцца ў іх заяве.

Дональд Трамп рэзка адрэагаваў на пратэставы рух. У Truth Social ён апублікаваў фота меркаванай зброі Прэці і абвінаваціў улады Мінесоты ў правакаванні беспарадкаў.

– Мэр і губернатар сваёй напышлівай, небяспечнай і пыхлівай рыторыкай распальваюць мяцеж! Дазвольце нашым патрыётам з ICE рабіць сваю працу! — напісаў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]