У Пецярбургу адключылі мабільны інтэрнэт у дзень візіту Пуціна

Збой фіксуецца пераважна ў цэнтральных раёнах горада.

У Санкт-Пецярбургу раніцай 26 студзеня адбыўся маштабны збой у працы мабільнага інтэрнэту. Пра гэта сведчаць даныя Downdetector, дзе за суткі зарэгістравана больш за 1900 скаргаў жыхароў горада на адсутнасць доступу ў сетку, а за апошнюю гадзіну — больш за 300. У большасці абанентаў усіх мабільных аператараў адкрываюцца толькі сайты з «белага спісу». Як адзначае «Фантанка», збой фіксуецца пераважна ў цэнтральных раёнах горада. Там жа супрацоўнікі паліцыі перакрываюць вуліцы і абмяжоўваюць дарожны рух.

Адключэнне інтэрнэту адбылося на фоне прыбыцця ў Пецярбург прэзідэнта РФ Уладзіміра Пуціна, дзе ён плануе сустрэцца з кіраўніком Малайзіі султанам Ібрагімам Ісмаілам. Таксама ў Пуціна павінны адбыцца працоўныя сустрэчы з губернатарамі Пецярбурга і Ленабласці Аляксандрам Бягловым і Аляксандрам Драздзенкам, паведаміў прэс-сакратар прэзідэнта Дзмітрый Пяскоў. Чакаецца, што 27 студзеня Пуцін возьме ўдзел у мерапрыемствах, прысвечаных гадавіне зняцця блакады Ленінграда.

Да гэтага жыхары Пецярбурга масава скардзіліся на адключэнне мабільнага інтэрнэту 30 снежня — тады за суткі паступіла не менш за 2775 скаргаў. Да таго працяглае адключэнне інтэрнэту ў горадзе назіралася таксама ў снежні — улады абмяжоўвалі доступ у сетку на працягу тыдня, тлумачачы гэта «паветранай небяспекай». Пры гэтым Пецярбург стаў першым расійскім горадам-мільённікам, які пакінулі без мабільнага інтэрнэту на такі працяглы час пад выглядам клопату пра бяспеку.

Сам Пуцін, каментуючы адключэнні мабільнага інтэрнэту, якія ахапілі практычна ўсе рэгіёны Расіі, казаў, што гэта неабходная мера для барацьбы з украінскімі беспілотнікамі. Паводле яго слоў, інтэрнэт-сэрвісы, што знаходзяцца за мяжой, дапамагаюць праціўніку «выбіраць мэты для удараў», таму інтэрнэт даводзіцца адключаць.

На гэтым фоне Мінліч РФ склаў «белы спіс» сайтаў, якія павінны заставацца даступнымі падчас адключэння мабільнага інтэрнэту. У пералік уваходзіць больш за 60 рэсурсаў і сэрвісаў, у тым ліку праграмы найбуйнейшых банкаў, маркетплэйсаў, расійскіх сацыяльных сетак, а таксама сайты праўладных СМІ. Аднак не ва ўсіх рэгіёнах яны спраўна працуюць, з-за чаго расіяне пазбаўляюцца магчымасці аплачваць тавары і паслугі, дыстанцыйна працаваць і вучыцца, а таксама перамяшчацца на таксі і ў грамадскім транспарце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]